CM Devendra Fadnavis : जरांगेंची ऑडिओ क्लिप खरी की बनावट? देवेंद्र फडणवीस म्हणाले, संपूर्ण फॉरेन्सिक तपासणी…

मनोज जरांगे यांच्याशी संबंधित कथित ऑडिओ क्लिपची पूर्ण फॉरेन्सिक तपासणी केली जाईल, असे मुख्यमंत्री देवेंद्र फडणवीस यांनी स्पष्ट केले आहे. या संभाषणाच्या सत्यतेबाबत आणि अडीच वर्षांनंतर हे संभाषण आता बाहेर येण्यामागे नेमके काय हेतू आहेत, असा प्रश्न त्यांनी उपस्थित केला आहे. कोणाला लक्ष्य केले जात आहे आणि कशासाठी, असे अनेक प्रश्न या संदर्भात उपस्थित होत असल्याचे त्यांनी नमूद केले.

या क्लिपच्या चौकशीची मागणी मनोज जरांगे पाटील यांच्यासह शिवसेनेच्या शिष्टमंडळाने आणि भाजपनेही केली आहे. त्यामुळे निश्चितपणे या प्रकरणाची पूर्ण आणि फॉरेन्सिक तपासणी करून सत्य बाहेर आणले जाईल, असे आश्वासन मुख्यमंत्री फडणवीस यांनी दिले. यावेळी, नागपूर पदवीधर मतदारसंघ निवडणुकीत मतदान केल्यानंतर त्यांनी नागरिकांना मोठ्या संख्येने मतदान करण्याचे आवाहनही केले.