Pune : मुख्यमंत्री फडणवीस, शरद पवार, सुनेत्रा पवार एकाच मंचावर; राजकीय चर्चांना उधाण

पुण्यात सध्या राजकीय घडामोडींनी वेग घेतला आहे. एकीकडे पाणी कपातीच्या निर्णयावरून नागरिकांमध्ये तीव्र नाराजी पसरली असून, महाराष्ट्र नवनिर्माण सेनेने याविरोधात जोरदार आंदोलन पुकारले आहे. तर दुसरीकडे, प्रमुख राजकीय नेते एकाच व्यासपीठावर एकत्र आल्याने चर्चेला उधाण आले आहे.

पुणे शहर आणि परिसराला पाणी पुरवठा करणाऱ्या धरणांमध्ये पुरेसे पाणी उपलब्ध असतानाही पुणेकरांवर पाणी कपातीचा निर्णय लादण्यात आल्याचा आरोप करत मनसेने पालिकेसमोर मटका फोड आंदोलन केले. “पाणी आमच्या हक्काचं, नाही कुणाच्या बापाचं” आणि “पुणेकरांना दररोज पाणी मिळालंच पाहिजे” अशा घोषणा देत मनसे कार्यकर्त्यांनी तात्काळ पाणी कपातीचा निर्णय मागे घेण्याची मागणी केली.

याचवेळी, शहरातील तळेगाव येथील एका खाजगी कार्यक्रमात उपमुख्यमंत्री देवेंद्र फडणवीस, राष्ट्रवादी काँग्रेसचे अध्यक्ष शरद पवार आणि सुनेत्रा पवार हे तिघेही एकाच मंचावर उपस्थित होते. या कार्यक्रमाला जयंत पाटील यांचीही उपस्थिती होती. विशेष म्हणजे, यावेळी जयंत पाटील यांनी स्वतः देवेंद्र फडणवीस यांच्या जवळ जाऊन त्यांच्याशी चर्चा केली. शरद पवार देखील त्यावेळी त्यांच्या शेजारीच होते. पुण्यातील या दोन भिन्न राजकीय घटनांनी सध्या सर्वांचे लक्ष वेधून घेतले आहे.