KDMC Polls: कल्याण-डोंबिवली महापालिकेत निकालाआधीच भाजप-शिंदे सेना बहुमताच्या जवळ? 21 उमेदवार बिनविरोध अन् ठाकरेंना धक्का

कल्याण डोंबिवली महापालिकेच्या निवडणुकीत भाजप आणि शिंदे गटाच्या शिवसेनेने निकालाआधीच महत्त्वपूर्ण आघाडी घेतली आहे. तब्बल २० हून अधिक उमेदवार बिनविरोध निवडून आल्याने युतीच्या गोटात आनंदाचे वातावरण आहे. ठाकरे गट, मनसे, काँग्रेस, राष्ट्रवादी काँग्रेस आणि अपक्ष उमेदवारांनी मोठ्या संख्येने अर्ज मागे घेतल्यामुळे हे शक्य झाले आहे. यामुळे ठाकरे गटाला मोठा धक्का बसला आहे. मनसेचे डोंबिवली शहराध्यक्ष मनोज घरत यांच्यासह अनेक उमेदवारांनी माघार घेतल्याने स्थानिक पातळीवर संभ्रम निर्माण झाला आहे. दबाव, अंतर्गत समझोता किंवा सौदेबाजी झाल्याची चर्चा सुरू आहे. एकूण १२२ जागांपैकी ६२ जागा बहुमतासाठी आवश्यक असताना, आता युतीला केवळ ४२ जागांची आवश्यकता आहे. विरोधकांनी या प्रकारावर तीव्र आक्षेप घेतले असून, लोकशाही धोक्यात आल्याचे म्हटले आहे.