Kalyan : तिला लाखोंचा हार परत मिळाला, सफाई कर्मचाऱ्याचं मोठं मन पाहून वाटेल अभिमान! कल्याणमध्ये काय घडलं?

कल्याण शहरातून एक अत्यंत प्रेरणादायी आणि प्रामाणिकपणाचे उत्तम उदाहरण समोर आले आहे. सोन्याच्या किमती गगनाला भिडलेल्या या काळात, कल्याण महानगरपालिकेकडे कचरा संकलन करणाऱ्या कर्मचाऱ्यांनी एक अनुकरणीय कार्य केले आहे. एका महिलेने चुकून कचऱ्यात फेकलेला आपला महागडा सोन्याचा हार या कर्मचाऱ्यांनी सापडला. कोणताही मोह मनात न ठेवता, त्यांनी तात्काळ तो सोन्याचा हार संबंधित महिलेला परत केला.

सफाई कर्मचाऱ्यांच्या या प्रामाणिक कृतीमुळे समाजात एक सकारात्मक संदेश गेला आहे. ज्यावेळी प्रामाणिकपणाचे आदर्श दुर्मिळ होत चालले आहेत, अशा परिस्थितीत या कर्मचाऱ्यांनी घालून दिलेला आदर्श अत्यंत महत्त्वाचा ठरतो. त्यांच्या या निस्वार्थ आणि प्रामाणिक कामाची दखल घेऊन सर्व स्तरातून त्यांचे कौतुक होत आहे. या घटनेने कल्याण शहराच्या नावलौकिकात भर पडली असून, प्रामाणिकपणा आजही समाजात जिवंत आहे हे अधोरेखित होते.