Phaltan Doctor Death : तिनं सांगितलं त्रास होतोय, ड्युटी संपल्यानंतर हॉटेलमध्ये…आत्महत्या केलेल्या डॉक्टरच्या वडिलांच्या आरोपानं खळबळ

फलटण येथे एका महिला डॉक्टरने हॉटेलमध्ये आत्महत्या केल्याची धक्कादायक घटना समोर आली आहे. ड्युटी संपल्यानंतर काहीही न सांगता, कोणतीही नोंद न करता त्यांनी हॉटेलमध्ये जाऊन हे टोकाचे पाऊल उचलले, अशी माहिती आत्महत्या केलेल्या संपदा मुंडे नावाच्या डॉक्टर महिलेच्या कुटुंबाकडून सांगण्यात आले आहे. आत्महत्या करण्यापूर्वी डॉक्टरने आपल्या हातावर संपूर्ण प्रकरण लिहिले होते, ज्यामध्ये चार वेळा अत्याचार झाल्याचे नमूद केले होते. मृत डॉक्टर अधूनमधून घरच्यांशी बोलताना, जर पोस्ट-मॉर्टम रिपोर्ट बदलून देण्याबाबत अधिकाऱ्यांकडून त्रास झाला, तर आपण आत्महत्या करू असे सांगत होत्या. यापूर्वी त्यांनी डीवायएसपींकडे लेखी तक्रारही दिली होती, परंतु त्यावर अद्याप कोणतेही उत्तर आले नव्हते, असेही घरच्यांकडून सांगण्यात आले आहे.

ही घटना अत्यंत धक्कादायक आणि दुर्दैवी असल्याचे म्हटले जात आहे. या प्रकरणाची गंभीरता लक्षात घेऊन, गृहराज्यमंत्री पंकज भोयर यांनी टीव्ही नाईन मराठीला प्रतिक्रिया दिली आहे. त्यांनी सांगितले की, पुरावे गोळा करून दोषींना अटक केली जाईल आणि योग्य ती कारवाई केली जाईल. तसेच, प्रकरणासंदर्भात गुन्हा दाखल करण्याच्या सूचना देण्यात आल्या असून, दोषींवर कठोर कारवाई करण्याचे आश्वासनही भोयर यांनी दिले आहे.