कोल्हापूर कृषी उत्पन्न बाजार समिती पहिला निकाल हाती; पाहा कोण झालं विजयी

कोल्हापूर : कोल्हापूर कृषी उत्पन्न बाजार समितीचा आज निकाल लागतोय. कोल्हापूर कृषी उत्पन्न बाजार समिती पहिला निकाल हाती आला आहे. हमाल गटातून बाबुराव खोत विजयी झाले आहेत. बाबुराव खोत 60 मतांनी विजयी झालेत. बाजार समितीसाठी शुक्रवारी 92% इतकं मतदान झालं होतं. 18 जागांसाठी 51 उमेदवार रिंगणात आहेत. आज रमणमळा शासकीय बहुउद्देशीय हॉलमध्ये 36 टेबलवर मतमोजणी होत आहे. बाजार समितीसाठी काँग्रेस राष्ट्रवादी जनस्वराज्य विरुद्ध भाजप शिवसेना अशी लढत होतेय. तर जयसिंगपूर बाजार समितीसाठी आज मतदान होणार आहे. जयसिंगपूर बाजार समितीच्या 18 पैकी सात जागांवर बिनविरोध निवड झाली आहे. 11 जागांसाठी 24 उमेदवार रिंगणात आहेत. आज काय निकाल लागतो याकडे सर्वांचं लक्ष लागलं आहे.