आणि 5 कोटी मिळवा, भाजपचे खासदार धनंजय महाडिकांची मतदारांना अनोखी ऑफर

लोकसभा निवडणुका अवघ्या काही दिवसांवर असल्याने सर्वच राजकीय पक्ष जोरदार आपल्या उमेदवारांच्या प्रचाराला लागले आहे. विविध राजकीय पक्षाकडून उमेदवार निवडून आणण्यासाठी विविध प्रयत्न केले जात आहेत. कोल्हापूर लोकसभा मतदारसंघातील महायुतीचे उमेदवार म्हणून खासदार संजय मंडलिक हे लोकसभा लढवणार आहेत. मंडलिक यांना सर्वाधिक मताधिक्याने निवडणून आणण्यासाठी भाजपने कंबर कसली आहे. भाजपचे खासदार धनंजय महाडिक यांनी मतदारांना अनोखी ऑफर दिली आहे. धनंजय महाडिक म्हणाले, संजय मंडलिक यांनी लीड द्या आणि ५ कोटींचा निधी मिळावा, अशीच ऑफरच त्यांनी मतदारांना दिली आहे. दरम्यान, धनंजय महाडिक यांनी दिलेल्या ऑफरची चांगलीच चर्चा होताना दिसतेय. ‘मी तुम्हाला आव्हान करतो, कागल तालुक्यापेक्षा तुम्ही जास्त लीड दिले तर पाच कोटी रुपयांचा अधिक निधी देईल. आता शर्यत लागली…लावू या शर्यत…यामध्ये आम्ही दोघे आहोत, नाहीतर तुम्ही मला एकट्याला धराल.’, असे धनंजय महाडिक म्हणाले.