Pune News : बिबट्याने 11 महिन्यांच्या चिमूकल्याला उचलून नेलं, 18 तासांनंतर सापडला मृतदेह

पुण्यातील दौंड तालुक्यातील दहिटणे या गावामध्ये येथे एका 11 महिन्याच्या बाळाला बिबट्याने उचलून नेलं आहे. तब्बल 18 तासांनी या बाळाचा मृतदेह सापडला आहे. वनविभाग, स्थानिक नागरिक आणि पोलिसांकडून या बाळाचा शोध घेतला जात होता. त्यांनंतर 18 तासांनी या चिमूकल्याचा मृतदेह सापडला आहे. काल पहाटे सुमारे साडेपाच वाजता या 11 महिन्यांच्या चिमूकल्याला बिबट्याने उचलून नेलं होतं. तेव्हापासून ऊसाच्या शेतात या चिमूकल्याचा शोध वनविभागाकडून घेतला जात होता. या घटनेमुळे परिसरात एकच भीतीच वातावरण पसरलं आहे.