Maharashtra Election 2026 Result : अनेक पालिकांचे निकाल लागले, मुंबईच्या निकालाची प्रतीक्षा! काय आहे सध्याचे कल? VIDEO

महाराष्ट्र निवडणूक 2026 च्या मतमोजणीला सकाळी 10 वाजता सुरुवात झाली आहे. 227 पैकी 102 जागांचे निकाल हाती आले असून, साधारणतः 100 जागांचे निकाल येणे बाकी आहे. आतापर्यंतच्या कलानुसार, भाजप आणि शिवसेना (शिंदे गट) यांना प्रत्येकी 28 जागा मिळाल्या आहेत.

उल्हासनगरमध्ये शिवसेना आणि भाजपमध्ये अटीतटीची लढत पाहायला मिळत आहे. मुंबईतील प्रभाग 189 मधून ठाकरेंच्या उमेदवार हर्षला मोरे विजयी झाल्या आहेत. नागपुरात मुख्यमंत्री देवेंद्र फडणवीस यांच्या मतदारसंघात अजित पवारांच्या राष्ट्रवादी काँग्रेसने (दादा गट) आभा पांडे यांच्या विजयासह खाते उघडले आहे. धुळे महापालिकेत भाजपने एकहाती सत्ता राखत बहुमताचा आकडा गाठला आहे. मुंबईत भाजपच्या स्नेहल तेंडुलकर (प्रभाग 218) आणि राणी द्विवेदी (प्रभाग 13) तसेच कशिश फुलवारिया (प्रभाग 151) विजयी झाल्या आहेत. तर मुंबईतील प्रभाग 60 मध्ये शरद पवार गटाचे अंकुश काकडे यांच्या कन्येचा पराभव झाला, जो राष्ट्रवादीसाठी धक्का मानला जात आहे.