Malwan Election Row : शिल्पा खोत यांनी भरसभेत ऐकवली निलेश राणेंची ‘ती’ ऑडिओ क्लिप, पुराव्यासह दिलं थेट आव्हान

मालवण नगरपरिषद निवडणुकीच्या रणधुमाळीत राजकीय आरोप-प्रत्यारोप तीव्र झाले आहेत. भाजपच्या नगराध्यक्ष पदाच्या उमेदवार शिल्पा खोत यांनी एका जाहीर सभेत निलेश राणे यांची ऑडिओ क्लिप ऐकवून खळबळ उडवून दिली. निलेश राणे यांनी शिल्पा खोत यांच्यावर त्यांचे जात प्रमाणपत्र खोटे असल्याचा आरोप केला होता. या आरोपाला प्रत्युत्तर देण्यासाठी शिल्पा खोत यांनी राणे यांच्याशी झालेल्या संवादाची ऑडिओ क्लिप सादर केली. या क्लिपमध्ये राणे हे शिल्पा खोत यांना शिवसेनेकडून नगराध्यक्षपदासाठी योग्य उमेदवार असल्याचे बोलत असल्याचे ऐकायला मिळाले.

निलेश राणे यांनी यावर स्पष्टीकरण देताना म्हटले की, त्यांनी १ नोव्हेंबरपूर्वी शिल्पा खोत यांना संपर्क साधला होता आणि त्यावेळी त्यांना खोत यांच्याकडे ओबीसीचे वैध प्रमाणपत्र नसल्याचे समजले. १ नोव्हेंबरनंतर आपण त्यांना कोणताही फोन केला नसल्याचा दावा राणे यांनी केला. या प्रकरणामुळे मालवणमधील राजकीय वातावरण अधिक तापले आहे.