Manikrao Kokate : इकडं अटक वॉरंट जारी अन् तिकडं कोकाटे लिलावती रुग्णालयात दाखल, नेमकं झालं काय?
मंत्री माणिकराव कोकाटे यांना १९९५ सदनिका गैरव्यवहार प्रकरणात अटक वॉरंट जारी झाल्यानंतर ते लीलावती रुग्णालयात दाखल झाले आहेत. अकराव्या मजल्यावर त्यांच्यावर उपचार सुरू असल्याची माहिती सूत्रांनी दिली. पोलीस त्यांच्या शोधात असून, न्यायालयाच्या आदेशाची प्रत मिळाल्यावर अटकेची कारवाई होण्याची शक्यता आहे.
मंत्री माणिकराव कोकाटे यांना १९९५ च्या सदनिका गैरव्यवहार प्रकरणात अटक वॉरंट जारी झाल्याने राजकीय वर्तुळात खळबळ उडाली आहे. याच दरम्यान, माणिकराव कोकाटे मुंबईतील लीलावती रुग्णालयात दाखल झाले आहेत. सूत्रांच्या माहितीनुसार, ते रुग्णालयाच्या अकराव्या मजल्यावर उपचाराधीन आहेत. कोकाटे यांच्याविरुद्ध अटक वॉरंट जारी झाल्यापासून पोलीस त्यांच्या शोधात होते. लीलावती रुग्णालयाच्या परिसरात पोलिसांचा बंदोबस्तही लावण्यात आला आहे. मिळालेल्या माहितीनुसार, न्यायालयाकडून अटकेच्या आदेशाची अधिकृत प्रत मिळाल्यानंतरच पोलीस पुढील कारवाई करतील. सध्या लीलावती रुग्णालयात त्यांच्यावर डॉक्टरांकडून उपचार सुरू आहेत. हे प्रकरण जुन्या सदनिका गैरव्यवहाराशी संबंधित असून, सरकारी पक्षाने केलेल्या पाठपुराव्यानंतर हे वॉरंट जारी झाले आहे.
Published on: Dec 17, 2025 3:28 PM
Follow Us
