Ajit Pawar : छगन भुजबळांसमोरच अजित पवारांची उघड नाराजी? राष्ट्रवादीच्या बैठकीत नेमकं काय घडलं?

मराठा आरक्षणासंदर्भात राज्य सरकारने काढलेल्या जीआरमुळे राजकीय वर्तुळात मोठे मतभेद दिसून येत आहेत. मंत्री छगन भुजबळ यांनी या जीआरला उघडपणे विरोध करत तो रद्द करण्याची मागणी केली आहे. त्यांच्या मते, ओबीसी समाजाचे नुकसान होता कामा नये. भुजबळांच्या या आक्रमक भूमिकेवरून राष्ट्रवादी काँग्रेस पक्षाचे नेते अजित पवार यांनी मुंबईतील एका बैठकीत जाहीर नाराजी व्यक्त केल्याचे सूत्रांकडून समजते.

पक्षाचे नेते विशिष्ट जातीय भूमिका घेतल्यास पक्षाची प्रतिमा मलिन होते आणि राजकीय नुकसान होते, असे अजित पवारांनी सुनावले. याच पार्श्वभूमीवर, मनोज जरांगे पाटील यांनी अजित पवारांवर गंभीर आरोप केले आहेत. “अजित पवारांनी मराठ्यांविरोधात काम करणारे नेते पाळले आहेत. त्यांनी साप पोसले आहेत,” अशी जहरी टीका जरांगे पाटलांनी केली. त्यांनी दावा केला की, अजित पवारांचे नेते मराठा समाजाविरोधात कटकारस्थान करत आहेत. या राजकीय संघर्षात मराठा आरक्षणाचा मुद्दा आणि ओबीसी समाजाच्या हिताचा प्रश्न अधिकच गुंतागुंतीचा बनला आहे.