Ravindra Dhangekar : धंगेकरांचे पंतप्रधान मोदींना थेट पत्र, गंभीर आरोप करत मोहोळ यांच्याविरोधात केली एकच मागणी

पुण्यातून एक मोठी राजकीय बातमी समोर आली आहे, जिथे काँग्रेस माजी आमदार रवींद्र धंगेकर यांनी पंतप्रधान नरेंद्र मोदी यांना पत्र लिहिले आहे. या पत्राद्वारे त्यांनी केंद्रीय मंत्री मुरलीधर मोहोळ यांच्या मंत्रीपदाचा राजीनामा घेण्याची मागणी केली आहे. धंगेकर यांनी हे पत्र गृहमंत्री अमित शाह, मुख्यमंत्री देवेंद्र फडणवीस आणि उपमुख्यमंत्री अजित पवार यांनाही पाठवले आहे. हे पत्र जमिनीच्या व्यवहारांमधील गैरप्रकाराबाबत असून, त्यात गंभीर आरोप करण्यात आले आहेत.

धंगेकर यांनी दिलेल्या माहितीनुसार, मुरलीधर मोहोळ हे जैन बोर्डिंगच्या जमिनीची पाहणी केली तेव्हा संबंधित बिल्डरचे भागीदार होते. मोहोळ केंद्रीय मंत्री झाल्यानंतरच या ट्रस्टच्या विक्रीची प्रक्रिया सुरू झाली, असा आरोप धंगेकर यांनी केला आहे. लिलाव प्रक्रियेत सहभागी झालेल्या तिन्ही कंपन्यांचे मालक हे मोहोळ यांचे निकटवर्तीय असल्याचा दावाही पत्रात करण्यात आला आहे.