Satish Bhosale : सतीश भोसलेच्या कोठडीत वाढ; 14 दिवसांच्या न्यायालयीन कोठडीत खोक्याची रवानगी

खोक्या उर्फ सतीश भोसले याला 14 दिवसांची न्यायालयीन कोठडी सुनावण्यात आलेली आहे. ढाकणे पिता पुत्राला केलेल्या मारहाण प्रकरणी त्याला ही न्यायालयीन कोठडी सुनावण्यात आलेली आहे. आज खोक्याची पोलीस कोठडी संपल्यानंतर त्याला न्यायालयात हजर करण्यात आलं होतं त्यावेळी त्याला कोर्टाने 14 दिवसांची न्यायालयीन कोठडी सुनावली. तर दुसरीकडे बॅटने केलेल्या मारहाण प्रकरणात पोलीस उद्या पुन्हा खोक्याच्या अटकेची मागणी करू शकतात.

खोक्या भोसले हा आष्टीचे आमदार सुरेश धस यांचा कार्यकर्ता आहे. त्याने मारहाणी बरोबरच हरणांची शिकार केल्याचा देखील पोलिसांना संशय आहे. त्याचे काही पैसे उडवतानाचे व्हिडिओ अंजली दमानिया यांनी शेअर केले होते. त्यानंतर पोलिसांनी त्याला ताब्यात घेत कारवाई केली.