रोहित पवार यांना नोटीस, कोर्टाने दिला दिलासा, नोटीसच रद्द केली

मुंबई | 19 ऑक्टोंबर 2023 : आमदार रोहित पवार यांना मुंबई हायकोर्टातून मोठा दिलासा मिळाला आहे. त्यांच्या कंपनीविरोधात एमपीसीबीनी दिलेली नोटीस कोर्टाने रद्द केली आहे. मात्र, एमपीसीबीला नव्याने निरीक्षण करून गरज भासली तर नव्याने नोटीस जारी करा असे निर्देश कोर्टाने दिले आहेत. तसेच, रोहित पवार यांना 15 दिवसांची मुदत द्यावी. सदर नोटिसवर त्यांचे उत्तर मागवा, मग योग्य तो निर्णय घ्या असे निर्देश मुंबई हायकोर्टाने राज्य प्रदूषण नियंत्रण बोर्डाला दिले. हायकोर्टाने रोहित पवार यांची ही याचिका निकाली काढली त्यामुळे रोहित पवार यांना दिलासा मिळाला आहे.