BMC Elections : जागा पदरी पाडून घेण्यासाठी महायुतीत रस्सीखेच? मुंबईत शिंदेंची सेना 84 जागांसाठी आग्रही?

मुंबई महापालिका निवडणुकीसाठी शिंदे गट 84 जागांसाठी आग्रही असल्याची माहिती सूत्रांकडून मिळत आहे. मुंबई महापालिकेत महायुती एकत्र निवडणूक लढवणार हे निश्चित झाले असून, आता जागा वाटपासाठी जोरदार रस्सीखेच सुरू झाली आहे. 2017 च्या महापालिका निवडणुकीतील कामगिरीनुसार, शिंदेची शिवसेना 84 जागांवर आपला दावा करत आहे. 2017 मध्ये शिवसेनेने 84 जागा जिंकल्या होत्या, तर भाजपला 82, काँग्रेसला 31, राष्ट्रवादी काँग्रेसला 9, मनसेला 7, समाजवादी पार्टीला 6, एमआयएमला 2 आणि अपक्षांना चार जागा मिळाल्या होत्या. या आकडेवारीच्या आधारे शिंदे गट सध्या 84 जागांसाठी आग्रही भूमिका घेत आहे.

जागावाटपाबद्दल शिवसेना आणि भाजपच्या नेत्यांनी प्रतिक्रिया देताना सांगितले की, महाराष्ट्राचे मुख्यमंत्री एकनाथ शिंदे हे पक्षाचे मुख्य नेते असून, ते तिन्ही पक्षांच्या भूमिका जाणतात. त्यामुळे जागा वाटपाचा अंतिम निर्णय तेच घेतील आणि त्यांच्या निर्णयावर आपला विश्वास आहे. महायुती म्हणून तिन्ही पक्ष समन्वयाने एकत्र लढतील, असा विश्वास नेत्यांनी व्यक्त केला.