Goregaon Building Fire : जीव वाचावा म्हणून धडपड, लोकांनी थेट खिडक्यांमधून मारल्या उड्या अन्… बघा VIDEO

मुंबईमधील गोरेगाव येथील शालीमार इमारतीत आज सकाळी 9 वाजता आग लागल्याची घटना घडली. ही आग मीटर बॉक्समध्ये लागल्याची माहिती समोर येतेय. मीटर बॉक्समध्ये लागलेल्या आगीमुळे रहिवाशांना चांगलीच धडकी भरली. स्वतःचा जीव वाचवण्यासाठी काही रहिवाशांना घाबरून खिडक्या आणि गॅलरीमधून उडी मारावी लागली. या घटनेचा व्हिडीओ सोशल मीडियावर व्हायरल झाला आहे. आगीचे कारण अद्याप स्पष्ट झालेले नसून अधिकृत माहितीही समोर आली नाही. स्थानिक अग्निशमन दलाने तातडीने घटनास्थळी धाव घेतली आणि आगीवर नियंत्रण मिळवले. सुदैवाने, या आगीत कोणीही जखमी झाले नाही. पोलिसांनी या घटनेची चौकशी सुरू केली आहे.