महानगरपालिका निवडणुकीआधी नांदेडमध्ये शिंदे गटात खळबळ; आमदारांविरोधात शिवसैनिक आक्रमक

नांदेडमध्ये मुख्यमंत्री एकनाथ शिंदे यांच्या नेतृत्वाखालील शिवसेनेमध्ये अंतर्गत संघर्ष उफाळून आला आहे. नांदेडचे आमदार हेमंत पाटील आणि बाबूराव कोहळीकर यांच्या विरोधात शिवसैनिकांनी आक्रमक भूमिका घेतली. शिवसेनेसोबत बंडखोरी केलेल्यांना या आमदारांनी पाठिंबा दिल्याचा गंभीर आरोप संतप्त शिवसैनिकांनी केला आहे.

हा सर्व प्रकार नांदेडचे संपर्कप्रमुख सिद्धाराम म्हेत्रे यांच्या उपस्थितीत घडला, जिथे शिवसैनिकांनी जोरदार घोषणाबाजी केली. यावेळी काही कार्यकर्त्यांनी “धनुष्यबाणाचा उमेदवार हा साधा नाही, तो शिवसैनिक आहे” असे म्हणत पक्षाशी असलेल्या निष्ठेवर भर दिला. तीस वर्षांपासून पक्षासाठी रक्त आटवलेल्या कार्यकर्त्यांना दुय्यम वागणूक मिळत असल्याची खंतही त्यांनी व्यक्त केली. हे शिवसेनेचे कार्यालय असून येथे गोंधळ घालू नये, असे आवाहन करूनही कार्यकर्त्यांचा संताप शांत होत नव्हता. या घटनेमुळे शिंदे गटातील स्थानिक पातळीवरील नाराजी आणि गटबाजी समोर आली आहे.