Shaniwarwada Controversy : शनिवारवाडा पेशव्यांकडे असताना मेधा ताई जन्मल्या तरी होत्या का? रुपाली ठोंबरे पाटील भडकल्या
राष्ट्रवादी काँग्रेसच्या रुपाली ठोंबरे पाटील यांनी शनिवारवाड्यावर खासदार मेधा कुलकर्णींविरोधात आंदोलन केले. शनिवारवाड्यावर जातीय तेढ निर्माण करत असल्याचा आरोप करत कुलकर्णींवर गुन्हा दाखल करण्याची मागणी त्यांनी केली. शनिवारवाडा सर्वधर्मियांसाठी खुला असून, १९३६ पासून तेथे मजार अस्तित्वात असल्याचे ठोंबरे पाटील यांनी सांगितले. जोपर्यंत गुन्हा दाखल होत नाही, तोपर्यंत आंदोलन सुरू ठेवण्याचा इशारा त्यांनी दिला.
राष्ट्रवादी काँग्रेसच्या रुपाली ठोंबरे पाटील यांनी पुणे येथील ऐतिहासिक शनिवारवाड्यावर खासदार मेधा कुलकर्णी यांच्याविरोधात आंदोलन केले आहे. शनिवारवाडा येथे नमाज पठणाचा व्हिडिओ व्हायरल झाल्यानंतर खासदार कुलकर्णी यांनी केलेल्या काही वक्तव्यांवरून हा वाद निर्माण झाला आहे.
रुपाली ठोंबरे पाटील यांचा आरोप आहे की, मेधा कुलकर्णी यांनी जाणीवपूर्वक हिंदू-मुस्लीम यांच्यात तेढ वाढवून पुण्याचा सामाजिक सलोखा बिघडवला आहे. एका अज्ञात महिलेवर नमाज पठण केल्याबद्दल गुन्हा दाखल झाला, त्याचप्रमाणे मेधा कुलकर्णींवरही जातीय तेढ वाढवल्याप्रकरणी गुन्हा दाखल व्हावा, अशी ठोंबरे पाटील यांची प्रमुख मागणी आहे.
१९३६ सालापासून शनिवारवाड्याच्या आवारात एक मजार अस्तित्वात असल्याचे आणि पूर्वी मुस्लिम काझींना तेथे दिवाबत्तीसाठी मानधन दिले जात असल्याचे त्यांनी सांगितले. संविधान आणि कायद्यानुसार सर्वांना समान अधिकार आहेत, त्यामुळे शनिवारवाडा सर्वधर्मियांसाठी खुला असल्याचेही त्यांनी स्पष्ट केले. जोपर्यंत मेधा कुलकर्णी यांच्यावर गुन्हा दाखल होत नाही, तोपर्यंत आंदोलन सुरूच ठेवण्याचा इशारा रुपाली ठोंबरे पाटील यांनी दिला आहे.
Published on: Oct 20, 2025 05:49 PM
अण्णा हजारे विद्यार्थ्यांसाठी मैदानात, उद्या आंदोलन करणार
हे आंदोलन तर बेजबाबदारपणा, एकनाथ शिंदेंची राहुल गांधींवर टीका; म्हणाले
देशाची बदनामी होऊ नये याचा विचार करा, CM फडणवीसांचे आंदोलकांना आवाहन
आम्हाला कोणतेही व्हिडिओ पाहायचे नाहीत; जंतर-मंतर लाठीचार्ज प्रकरणावर..
