Shaniwarwada Controversy : शनिवारवाडा पेशव्यांकडे असताना मेधा ताई जन्मल्या तरी होत्या का? रुपाली ठोंबरे पाटील भडकल्या

राष्ट्रवादी काँग्रेसच्या रुपाली ठोंबरे पाटील यांनी पुणे येथील ऐतिहासिक शनिवारवाड्यावर खासदार मेधा कुलकर्णी यांच्याविरोधात आंदोलन केले आहे. शनिवारवाडा येथे नमाज पठणाचा व्हिडिओ व्हायरल झाल्यानंतर खासदार कुलकर्णी यांनी केलेल्या काही वक्तव्यांवरून हा वाद निर्माण झाला आहे.

रुपाली ठोंबरे पाटील यांचा आरोप आहे की, मेधा कुलकर्णी यांनी जाणीवपूर्वक हिंदू-मुस्लीम यांच्यात तेढ वाढवून पुण्याचा सामाजिक सलोखा बिघडवला आहे. एका अज्ञात महिलेवर नमाज पठण केल्याबद्दल गुन्हा दाखल झाला, त्याचप्रमाणे मेधा कुलकर्णींवरही जातीय तेढ वाढवल्याप्रकरणी गुन्हा दाखल व्हावा, अशी ठोंबरे पाटील यांची प्रमुख मागणी आहे.

१९३६ सालापासून शनिवारवाड्याच्या आवारात एक मजार अस्तित्वात असल्याचे आणि पूर्वी मुस्लिम काझींना तेथे दिवाबत्तीसाठी मानधन दिले जात असल्याचे त्यांनी सांगितले. संविधान आणि कायद्यानुसार सर्वांना समान अधिकार आहेत, त्यामुळे शनिवारवाडा सर्वधर्मियांसाठी खुला असल्याचेही त्यांनी स्पष्ट केले. जोपर्यंत मेधा कुलकर्णी यांच्यावर गुन्हा दाखल होत नाही, तोपर्यंत आंदोलन सुरूच ठेवण्याचा इशारा रुपाली ठोंबरे पाटील यांनी दिला आहे.