शरद पवार गटाचे निलेश कराळे मास्तरांना वर्ध्यात मारहाण, काय घडले नेमके ?

राज्यात विधानसभेच्या 288 जागांसाठी मतदान सुरु असून अनेक ठिकाणी मारामारी, धमकी देणे, ईव्हीएम मशिन तोडणे असे प्रकार घडले आहेत. वर्ध्यात शरद पवार गटाचे निलेश कराळे मास्तरांना मारहाण झाल्याचा प्रकार घडला आहे. निलेश कराळे यांना भाजपाच्या कार्यकर्त्यांनी मारहाण केल्याचे उघडकीस आले आहे. या मारहाणीचा व्हिडीओ देखील समोर आला आहे. या व्हिडीओत निलेश कराळे यांना मारहाण केल्याचे स्पष्ट दिसत आहे. आपण गावाहून मतदान करुन कुटुंबासोबत परत येत असताना उंबरी गावात एका बुथवर थांबलो. तेथे आमदार पंकज भोयर यांच्या बुथजवळ आठ लोक बसेल होते. तिथे बाकावर ग्रामपंचायतीचे कर्मचारी देखील लॅपटॉप घेऊन बसले होते. आपण पोलिसांना कॉल केला. त्यानंतर भाजपाच्या लोकांना आपल्याला मारहाण केल्याचे ते म्हणाले. आपली पत्नीमध्ये पडली तिलाही मारहाण केल्याचे ते म्हणाले.