Somnath Suryawanshi : छगन भुजबळांनी घेतली सोमनाथ सूर्यवंशी यांच्या कुटुंबाची भेट

राष्ट्रवादी कॉंग्रेस अजित पवार गटाचे ज्येष्ठ नेते छगन भुजबळ यांनी आज सोमनाथ सूर्यवंशी यांच्या कुटुंबाची भेट घेतली आहे. परभणी हिंसाचार प्रकरणात सोमनाथ सूर्यवंशी यांचा न्यायालयीन कोठडीत मृत्यू झाला होता. हिवाळी अधिवेशनात मुख्यमंत्री देवेंद्र फडणवीस यांनी याविषयीची बाजू मांडली होती. त्यानंतर दबाव वाढल्याने 3 पोलिसांचं निलंबन देखील करण्यात आलं. त्यानंतर पोलीस प्रशासनाच्या कारवाईवर सूर्यवंशी यांच्या कुटुंबाने संशय उपस्थित करून कारवाईची मागणी केली आहे. त्यानंतर आज छगन भुजबळ यांनी सोमनाथ सूर्यवंशी यांच्या घरी सांत्वनपर भेट देत त्यांच्या कुटुंबाशी संवाद साधला.