Bihar Election Results 2025 : बिहारनंतर आता पश्चिम बंगाल लक्ष्य… पंतप्रधान मोदी यांनी स्पष्ट सांगितलं

पंतप्रधान नरेंद्र मोदी यांनी बिहार विधानसभा निवडणुकीतील विजयानंतर काँग्रेसवर तीव्र शब्दांत टीका केली. काँग्रेस हा आपल्या मित्रपक्षांची व्होटबँक गिळणारा परजीवी असून, तो त्यांच्यासाठी एक दायित्व आहे, असे ते म्हणाले. या विजयामुळे बिहारमध्ये विकास आणि प्रगतीचा नवा अध्याय सुरू होईल, असे आश्वासन मोदींनी दिले.

पंतप्रधानांनी सांगितले की, बिहारमध्ये नवीन उद्योग, रोजगार निर्मिती आणि पर्यटन विकासावर भर दिला जाईल. ते म्हणाले की, हा विजय केवळ बिहारपुरता मर्यादित नसून, भाजप कार्यकर्त्यांना केरळ, तामिळनाडू, पुद्दुचेरी, आसाम आणि पश्चिम बंगालमध्ये नवी ऊर्जा देणारा आहे. मोदींनी स्पष्ट केले की, बिहारने पश्चिम बंगालमध्ये भाजपच्या विजयाचा मार्ग तयार केला आहे आणि तेथे जंगलराज संपुष्टात आणले जाईल. त्यांनी बिहारच्या प्रत्येक मतदाराचे आभार मानले.