Pune Crime : गौरव आहुजाला एका दिवसाची पोलीस कोठडी

पुणे अश्लीलचाळे प्रकरणातील आरोपी गौरव अहुजा याला कोर्टाने एक दिवसाची पोलीस कोठडी सुनावली आहे. पुण्यात येरवडा चौकात मद्यपान करून अश्लील चाळे करण्याचा एक व्हिडिओ काल व्हायरल झाला होता. यात गौरव अहुजा आणि त्याचा मित्र भाग्येश ओसवाल हे दोघं भररस्त्यात महिलांसमोर अश्लील चाळे करत होते. त्यानंतर येरवडा पोलिसांनी त्यांना ताब्यात घेतलं होतं. या संपूर्ण प्रकरणावर गौरव अहुजा याने माफी देखील मागितली आहे. आज पोलिसांनी त्याला कोर्टात हजर केलं होतं. त्यानंतर त्याला एका दिवसाची पोलीस कोठडी सुनावण्यात आली आहे. अहुजाची ससून रुग्णालयात वैद्यकीय चाचणी देखील करण्यात आलेली आहे. या चाचणीत त्याच्या शरीरात माद्याचं प्रमाण देखील आढळून आलं आहे.