Parth Pawar Land Deal : पार्थ पवारांना क्लीनचिट? तीन जणांवर गुन्हा; 99 टक्के शेअर्स असूनही कारवाई नाही!

पुण्यातील एका जमीन गैरव्यवहार प्रकरणात राष्ट्रवादी काँग्रेसचे नेते अजित पवार यांचे पुत्र पार्थ पवार यांना क्लीनचिट मिळाल्याची चर्चा सुरू झाली आहे. या प्रकरणात तीन व्यक्तींवर गुन्हे दाखल करण्यात आले आहेत, ज्यात शीतल तेजवानी, दिग्विजय पाटील आणि निलंबित उपनिबंधक रवींद्र तारू यांचा समावेश आहे. या तिघांवर मुद्रांक शुल्कात फसवणूक केल्याचा ठपका ठेवण्यात आला आहे.

मिळालेल्या माहितीनुसार, संबंधित अमेडिया कंपनीत पार्थ पवार यांचे ९९ टक्के शेअर्स आहेत, तर दिग्विजय पाटील यांचा केवळ १ टक्के वाटा आहे. कंपनीने ६ कोटी रुपयांचे मुद्रांक शुल्क भरले नसल्याची माहिती पोलिसांनी दिली आहे. कंपनीत मोठा वाटा असूनही पार्थ पवारांवर अद्याप गुन्हा दाखल झालेला नाही, यावर प्रश्नचिन्ह निर्माण झाले आहे. पोलिसांच्या मते, पार्थ पवारांची चौकशी झाल्यानंतर अनेक गोष्टी स्पष्ट होतील. एका राजकीय नेत्याने अजित पवारांनी उपमुख्यमंत्री पदावरून बाजूला होऊन निष्पक्ष चौकशीला वाव देण्याची नैतिक मागणी केली आहे.