Rahul Gandhi : राहुल गांधींचा उद्धव ठाकरेंना फोन; इंडिया आघाडीत मोठ्या घडामोडी – सूत्र

दिल्लीत इंडिया आघाडीच्या वतीने निवडणूक आयोगाविरोधात सुरू असलेल्या आंदोलनाच्या पार्श्वभूमीवर एक महत्त्वाची घडामोड समोर आली आहे. सूत्रांनी दिलेल्या माहितीनुसार, काँग्रेस नेते राहुल गांधी यांनी शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांना फोन केला आहे. या फोनमागे इंडिया आघाडीचे आंदोलन अधिक तीव्र करणे आणि विरोधी पक्षांमध्ये अधिक एकजूट दाखवणे हा उद्देश होता.

गेल्या तीन दिवसांपासून राहुल गांधी, प्रियांका गांधी आणि इंडिया आघाडीचे खासदार दिल्लीत आंदोलन करत आहेत. मात्र, निवडणूक आयोगाकडून अपेक्षित प्रतिसाद मिळत नसल्याने आंदोलनाची धार वाढवण्यावर भर दिला जात आहे. उद्धव ठाकरेंना फोन केल्यानंतर राहुल गांधींनी पश्चिम बंगालच्या मुख्यमंत्री ममता बॅनर्जी आणि बिहारचे उपमुख्यमंत्री तेजस्वी यादव यांच्याशीही संपर्क साधून चर्चा केल्याची माहिती आहे.

या फोन संवादातून इंडिया आघाडीतील प्रमुख नेत्यांमध्ये समन्वय साधण्याचा प्रयत्न सुरू आहे. निवडणूक आयोगाच्या विरोधात सर्व विरोधी पक्षांनी एकत्रितपणे आवाज उठवावा, यावर या नेत्यांमध्ये चर्चा झाल्याचे सूत्रांचे म्हणणे आहे. हे आंदोलन भविष्यात आणखी व्यापक होण्याची शक्यता वर्तवली जात आहे.