Thackeray : ठाकरे ब्रँड टिकणार? राज-उद्धव यांची युती व्हावी की नाही? मनसे पदाधिकाऱ्यांची इच्छा काय?

ठाकरे ब्रँड टिकला पाहिजे, अशी इच्छा महाराष्ट्र नवनिर्माण सेनेच्या पदाधिकाऱ्यांनी व्यक्त केली असल्याची माहिती सूत्रांकडून समोर येत आहे. मनसे पदाधिकाऱ्यांनी आपल्या बैठकीत ठाकरे ब्रँड कायम टिकायला हवा अशी इच्छा व्यक्त केली. दोन पक्षांमध्ये युतीसंदर्भात जर बोलणं सुरू असेल तर ती चांगली गोष्ट आहे, असं मनसे पदाधिकाऱ्यांचं मत असल्याची माहिती सूत्रांकडून मिळतेय. दरम्यान, राज ठाकरेंच्या उपस्थितीत पदाधिकाऱ्यांची बैठक पार पडली. या बैठकीत मनसे अध्यक्ष राज ठाकरेंनी पदाधिकाऱ्यांना काही सूचना केल्यात. यामध्ये ठाकरेंसोबतच्या युतीबाबत कोणतंही वक्तव्य नको, अशा सूचना राज ठाकरेंनी दिल्याची सूत्रांची माहिती आहे. गेल्या काही दिवसांपासून दोन्ही ठाकरे बंधू एकत्र येण्याच्या चर्चा राजकीय वर्तुळात रंगताना दिसत आहे. अशातच दोघांकडून यावर भाष्य केलं जात असल्याने भविष्यात युती होणार का? हे पाहणं महत्त्वाचं ठरेल.