सुनेत्रा पवारांचे अध्यक्षपद खरंच अवैध? सचिदानंद सिंह यांची पुन्हा रिमाईंडर नोटीस, आता…

महाराष्ट्राच्या राजकारणात सध्या राष्ट्रवादी काँग्रेस पक्षाशी संबंधित एक महत्त्वाची घडामोड समोर आली आहे. पक्षाचे माजी राष्ट्रीय सचिव सच्चिदानंद सिंह यांनी सुनेत्रा पवार यांना एक रिमायंडर नोटीस पाठवली आहे. या नोटिसीद्वारे सिंह यांनी सुनेत्रा पवार यांच्या राष्ट्रीय अध्यक्षपदी झालेल्या निवडीवर गंभीर आक्षेप घेतला आहे. ही निवड घटनाबाह्य असल्याचा आरोप सच्चिदानंद सिंह यांनी केला आहे. या प्रकरणी केवळ सुनेत्रा पवार यांनाच नाही, तर तटकरे यांनाही सच्चिदानंद सिंह यांच्याकडून रिमायंडर नोटीस पाठवण्यात आली आहे.

राष्ट्रवादी काँग्रेस पक्षातील अंतर्गत लोकशाही आणि घटनात्मक प्रक्रियेवरच या आरोपाने प्रश्नचिन्ह निर्माण केले आहे. माजी राष्ट्रीय सचिवांनी उघडपणे ही निवड अवैध ठरवल्याने पक्षांतर्गत मोठा वाद निर्माण होण्याची शक्यता आहे. या घडामोडीमुळे महाराष्ट्राच्या राजकारणात आणि विशेषतः राष्ट्रवादी काँग्रेसमध्ये राजकीय चर्चांना उधाण आले आहे. पुढील काळात या नोटिसीवर पक्षाकडून किंवा संबंधित नेत्यांकडून काय प्रतिक्रिया येते, हे पाहणे महत्त्वाचे ठरेल.