Sanjay Raut : दर्गावर कारवाई करण्यासाठी मुद्दाम आजचा दिवस निवडला; संजय राऊतांचा आरोप

सत्ताधारी आजही शिवसेनेला घाबरतात. शिवसेनेची दहशत आहे. म्हणूनच शिवसेनेचे अधिवेशन होऊ नये, यासाठी अनेकांनी प्रयत्न केले, असा आरोप उबाठा गटाचे खासदार संजय राऊत यांनी केला आहे. आज नाशिकमध्ये पत्रकारांशी बोलताना त्यांनी शिवसेना अधिवेशन आणि नाशिकच्या काठे गल्लीतील अनधिकृत दर्गावरील तोडक कारवाईवर भाष्य केलं.

पुढे बोलताना राऊत म्हणाले की, आज नाशिकमध्ये उद्धव ठाकरे यांच्यासह शिवसेनेचे सर्व महत्त्वाचे नेते आहेत. त्यात दर्गावर कारवाई करण्यासाठी भाजप आणि सत्ताधारी पक्षाने मुद्दाम आजचाच दिवस निवडला. शिवसेनेचे अधिवेशन होऊ नये, असं त्यांना वाटतं. त्यासाठी अनेकांनी प्रयत्न देखील केले. शिवसेनेच्या आजच्या शिबिरावरून लक्ष हटवण्यासाठीच ही कारवाई करण्यात आली आहे. हिम्मत असेल तर समोर येऊन लढा, त्यासाठी आमची तयारी आहे. मात्र त्यांना देश तोडायचा आहे, वातावरण खराब करायचं आहे, असा आरोप यावेळी बोलताना संजय राऊत यांनी केला आहे.