पुणे पेटत असताना सागर बंगल्यावरचे बॉस… देवेंद्र फडणवीसांना थेट सवाल

पुणेकरांनी भाजपला मागच्या दहा वर्षात भरभरून दिलं आहे. नगरसेवक, महापौर खासदार, आमदार यासह राज्यात आणि केंद्रात भाजप हे सगळं पुण्याने दिलं आहे. पण याउलट भाजपने पुण्याला काय दिलं? तर भाजपने पुण्याला वाहतूक कोंडी दिली भाजपने पुण्याचं पर्यावरण खराब केलं. भाजपने पुण्यात अतिरेकी संस्कृती आणली… बिघडलेलं पुणे म्हणजे भाजपची देणं, अशा शब्दात शरद पवार गटाचे नेते प्रशांत जगताप यांनी भाजपवर गंभीर आरोप करत थेट हल्लाबोल केला आहे. प्रशांत जगताप पुढे असेही म्हणाले, पुण्याचे सगळ्यात जास्त मोठे गुन्हेगार हे भाजपच्या समर्थक आहेत भाजपच्या पदाधिकाऱ्यांबरोबर ते वावरतात. मात्र आता पुणे पेटत असताना सागर बंगल्यावरचे बॉस काय करत होते? असा आक्रमक सवालही त्यांनी गृहमंत्री देवेंद्र फडणवीस यांना केला. पुण्याची गुंडांची फौज भाजपच्या नेत्याच्या हाताखाली काम करत याला ताकद देण्याचे काम देवेंद्र फडणवीस यांनी केलं. देवेंद्र फडणवीस आणि बिघडलेलं पुणे नीट करण्याचं काम करावं, असे म्हणत भाजपला त्यांनी सल्लाही दिला.