मंत्री-सचिव सगळ्यांनाच फुटला घाम! शिंदेंच्या आढावा बैठकीत मोठं घडलं? शिक्षण खातं…

राज्याच्या राजकारणात महत्त्वाची घडामोड घडत असून शिवसेनेच्या सर्व कॅबिनेट आणि राज्य मंत्र्यांची बैठक मागील एक तासांपासून सुरू आहे. या बैठकीत विविध विभागांच्या कामाचा सविस्तर आढावा घेतला जात असल्याची माहिती समोर आली आहे. त्यामुळे मंत्र्यांसह त्यांच्या कार्यालयातील अधिकाऱ्यांचीही मोठी धावपळ सुरू असल्याचे चित्र पाहायला मिळत आहे.

बैठकीत मंत्र्यांच्या कामकाजाचा आढावा घेतला जात असल्यामुळे OSD आणि खाजगी सचिव यांच्यावर अतिरिक्त जबाबदारी आली आहे. विविध विभागांची माहिती आणि कागदपत्रांची तयारी करण्यासाठी अधिकारी व्यस्त असल्याचे सांगितले जात आहे.

या बैठकीत शालेय शिक्षण विभाग विशेष चर्चेचा विषय ठरला आहे. बैठकीच्या सुरुवातीलाच उपमुख्यमंत्री एकनाथ शिंदे यांनी शिक्षण विभागाच्या कामाचा आढावा घेतल्याची माहिती मिळाली आहे. देशातील शिक्षण व्यवस्थेच्या पार्श्वभूमीवर शालेय शिक्षण विभागाच्या कामकाजाबाबत त्यांनी महत्त्वपूर्ण चर्चा केल्याचे सांगितले जात आहे.

दरम्यान, शिक्षणमंत्री दादा भुसे यांचे सर्व OSD आणि खाजगी सचिव या बैठकीला उपस्थित आहेत. बैठकीत विविध विषयांवर चर्चा सुरू असून पुढील निर्णयांकडे आता राजकीय वर्तुळासह प्रशासनाचेही लक्ष लागले आहे.