Shivsena Supreme Court Hearing : आमदारांचे अधिकार, पक्षांतर्गत निवडणुका अन्…; शिवसेना पक्षचिन्हाच्या सुनावणीत नीरज कौलांनी मांडले मोठे मुद्दे, थेट…

शिवसेनेच्या सर्वोच्च न्यायालयातील सुनावणीत शिंदे गटाचे वकील नीरज किशन कौल यांनी जोरदार युक्तिवाद केला. त्यांनी प्रत्येक पक्षात पक्षांतर्गत निवडणुका होणे आवश्यक असल्यावर भर देत, राजकीय पक्षाचा पाया लोकशाहीवर अवलंबून असतो, असे सांगितले. कौल यांनी युक्तिवाद करताना, शिवसेनेची शेवटची पक्षघटना २०११ मध्ये निवडणूक आयोगाला देण्यात आली होती, याकडे लक्ष वेधले. त्यानंतर आयोगाशी कोणताही पत्रव्यवहार झाला नसल्याचा दावा त्यांनी केला.

२०१८ मध्ये पक्षघटनेत बदल करण्यात आले आणि काही नियुक्त्या झाल्या, मात्र निवडणुका घेतल्या गेल्या नाहीत, असा आक्षेप कौल यांनी घेतला. त्यांनी यापूर्वीही काही घटनांमध्ये आमदारांचे अधिकार आणि पद कायम राहिल्याचे दाखले दिले, ज्यात हरियाणातील एका घटनेचा समावेश आहे. कौल यांच्या मते, आमदारांबाबत निर्णय घेण्याचे अधिकार विधानसभा अध्यक्षांना असतात आणि राजकीय बदलांमुळे आमदारांना फरक पडला नाही. तसेच, या प्रकरणात कोणत्याही आमदारानं राजीनामा दिला नसल्याचे त्यांनी नमूद केले.