दादांच्या उत्तराधिकारी सुनेत्रा पवारच? उपमुख्यमंत्रीपदासाठी नाव आघाडीवर
अजित पवारांच्या अकाली निधनानंतर त्यांच्या उपमुख्यमंत्रीपदाच्या जागेसाठी राजकीय हालचालींना वेग आला आहे. सुनेत्रा पवार यांचे नाव आघाडीवर असून, त्यांना उपमुख्यमंत्री करण्याची मागणी पक्षातील नेत्यांकडून आणि कार्यकर्त्यांकडून होत आहे. त्यांची सामाजिक आणि शैक्षणिक पार्श्वभूमी पाहता, त्या या पदासाठी सक्षम दावेदार मानल्या जात आहेत.
अजित पवारांच्या अकाली निधनामुळे महाराष्ट्राच्या राजकारणात एक मोठी पोकळी निर्माण झाली आहे. ते महायुती सरकारमध्ये उपमुख्यमंत्री होते आणि त्यांच्या निधनानंतर आता या पदासाठी कोण वारसदार असेल, याबाबत राजकीय वर्तुळात चर्चा सुरू झाली आहे. या शर्यतीत अजित पवारांच्या पत्नी सुनेत्रा पवार यांचे नाव उपमुख्यमंत्रीपदासाठी आघाडीवर आले आहे.
प्रफुल्ल पटेल, छगन भुजबळ, जयंत पाटील आणि शशिकांत शिंदे यांसारख्या प्रमुख नेत्यांनी सुनेत्रा पवारांची भेट घेतली आहे. अजित पवारांच्या राष्ट्रवादी काँग्रेस पक्षातील अनेक नेते आणि कार्यकर्त्यांनी सुनेत्रा वहिनींनाच उपमुख्यमंत्री करण्याची मागणी केली आहे. मंत्री नरहरी झिरवळ यांनीही या मागणीचे समर्थन केले आहे.
Published on: Jan 30, 2026 11:26 AM
