दुबार मतदारांना फोडण्यासाठी ठाकरे बंधूनचं पथक सज्ज! भाजपची टीका

महाराष्ट्र पालिका निवडणुकीचा प्रचार थंडावला असून गुरुवारी मतदान पार पडणार आहे. या पार्श्वभूमीवर ठाकरे बंधूंनी बोगस आणि दुबार मतदारांविरोधात कठोर भूमिका घेतली आहे. राज ठाकरे आणि अमित ठाकरे यांनी दुबार मतदार दिसल्यास त्यांना मतदान केंद्रावरच ठोकण्याचा इशारा दिला आहे. संजय राऊत यांनी तर दुबार मतदारांना प्रतिबंध घालण्यासाठी सकाळी सात वाजल्यापासून सक्रिय होणारे एक विशेष पथक तयार केल्याचे सांगितले.

यावर भाजपचे मंत्री नितेश राणे यांनी आक्रमक प्रत्युत्तर दिले आहे. त्यांनी ठाकरे गटावर राजकीय नौटंकीचा आरोप करत, मतदार यादी सुधारणा कार्यक्रमाला विरोध असल्याचा दावा केला. राणे यांनी ठोकायचेच असेल तर भेरमपाडा आणि नल बाजारसारख्या ठिकाणी जाण्याचे आव्हान दिले, जिथे बोगस मतदारांची संख्या जास्त असल्याचा त्यांचा आरोप आहे. निवडणूक आयोगाने यापूर्वीच दुबार मतदारांच्या नावापुढे डबल स्टार चिन्ह देऊन एकाच ठिकाणी मतदान करण्याची परवानगी प्रतिज्ञापत्राद्वारे देण्याचा निर्णय घेतला आहे.