ROHIT PAWAR ‘मंत्रिमंडळ विस्तार होणार नाही, अध्यक्ष निर्णय घेणार नाही’ रोहित पवार यांनी थेट कारणच सांगितले

मुंबई | 18 ऑक्टोंबर 2023 : ललित पाटील ( Lalit Patil) याला अटक झाली की काल झाली हा मुद्दा महत्वाचा नाही. ज्या दिवशी घटना घडली त्यावेळेसच कारवाई करणं महत्त्वाचं होतं. त्यांच्यासाठी कुणाचा फोन आला होता? याची न्यायालयीन चौकशी होणे गरजेचं आहे अशी मागणी राष्ट्रवादीचे आमदार रोहित पवार (Rohit Pawar)  यांनी केली. सुप्रीम कोर्टाने विधानसभा अध्यक्ष यांना चपराक लगावली आहे. मात्र, त्याआधीच अध्यक्ष यांनी निर्णय घ्यायला हवा होता. निर्णय घेतला तर भाजप (Bjp) आणि शिंदे गटात वाद निर्माण होईल म्हणून ते निर्णय घेणार नाहीत, असे त्यांनी सांगितले. शिंदे गट ही फक्त एक ऍडजस्टमेंट आहे. शिंदे सरकारवर (Shinde Government) आधीच जनतेची नाराजी आहे. त्यामुळे मंत्रिमंडळ विस्तार करून ते आमदारांची नाराजी ओढवून घेणार नाहीत असे ते म्हणाले.