Dharmendra Health : व्हेंटिलेटरवर असणाऱ्या धर्मेंद्र यांची प्रकृती सध्या कशी? हेमा मालिनी यांचं चाहत्यांना एकच आवाहन, म्हणाले…

ज्येष्ठ अभिनेते धर्मेंद्र यांच्यावर सध्या मुंबईतील ब्रीच कँडी रुग्णालयात उपचार सुरू आहेत. मिळालेल्या माहितीनुसार, त्यांना व्हेंटिलेटरवर ठेवण्यात आले आहे. १ नोव्हेंबर रोजी धर्मेंद्र यांना रुग्णालयात दाखल करण्यात आले होते. गेल्या काही दिवसांपासून त्यांच्या प्रकृतीची चाहत्यांमध्ये चिंता व्यक्त होत होती. काल अनेक बॉलीवूड अभिनेते धर्मेंद्र यांना भेटण्यासाठी रुग्णालयात पोहोचले होते. यामध्ये सलमान खान, शाहरुख खान, गोविंदा, सनी देओल, बॉबी देओल यांच्यासह अनेक सेलिब्रिटींचा समावेश होता. त्यांची पत्नी, ज्येष्ठ अभिनेत्री हेमा मालिनी सध्या रुग्णालयात त्यांच्यासोबत आहेत.

हेमा मालिनी यांनी ट्वीट करून माहिती दिली आहे की, धर्मेंद्र यांना लवकर बरे होण्यासाठी प्रार्थना करा. त्यांच्या या आवाहनानंतर त्यांचे चाहते त्यांच्या आरोग्यासाठी प्रार्थना करत आहेत. धर्मेंद्र लवकर बरे होऊन पुन्हा एकदा कुटुंबासोबत आनंदी राहावे अशी इच्छा चाहत्यांनी व्यक्त केली आहे.