”ये रिश्ता क्या कहेलाता हैं?”, ललित पाटील याच्या अटकेवरून सुषमा अंधारे यांनी फडणवीस यांना घेरलं

पुणे : | 18 ऑक्टोंबर 2023 : ललित पाटील याला अटक केले ही गोष्ट चांगली आहे. पण, त्याचा अनिल जयसिंगहानी होवू नये ही अपेक्षा. ललित पाटील याला अटक करण्याचं श्रेय तुम्ही घेत असाल तर फरार करण्याचे श्रेयही त्यांना घ्यावेच लागेल असा टोला सुषमा अंधारे यांनी देवेंद्र फडणवीस यांनी लगावला. ललित पाटील या अटक करू असे देवेंद्र फडणवीस म्हणाले होते. तर मग त्यांना माहिती होती का? या सगळ्याचं गौडबंगाल नेमकं काय आहे? दादा भूसे यांचा वरदहस्त असल्याशिवाय हे होत का? नाशिकमध्ये एवढ्या कोटीचा कारखाना कसा उभा राहतो ? ससून रुग्णालयातील १६ नंबर वार्डच गौडबंगाल काय? याचे सत्य बाहेर आले पाहिजे अशी मागणी त्यांनी केली. ज्या हॉटेलमध्ये ललित पाटील याचा वावर होता त्या त्या ठिकाणी देवेंद्र फडणवीस जात आहेत. ”ये रिश्ता क्या कहेलाता हैं?” असा टोलाही त्यांनी लगावला.