आमीर खान यांचा आंब्याचा बगीचा बघीतला का?, सलमानसह अनेक अभिनेत्यांनी चाखला या बगीच्यातील आंब्यांचा स्वाद

लखनौ : उत्तर प्रदेशातील हरदोई जिल्ह्यात शाहाबाद कस्बाला आंब्यांचा ग्रीन बेल्ट म्हणून ओळखले जाते. शिवाय अभिनेता आमीर खानच्या नावानेही ओळखले जाते. आमीर खानचा पूर्वजांचे घर शाहाबाद येथे आहे. आमीर खान यांचे पूर्वज अख्तियारपूर गावचे राहणारे आहेत. परंतु, सध्या अख्तियारपूर गावात आमीर खान यांचे नातेवाईक राहतात. आमीर खानकडे मोठा आंब्याचा बगीचा आहे. आग्रा, नवाबांचे शहर लखनौ आणि मुंबईसह विदेशातही या आंब्याच्या बगीच्यातील आंबे पुरवले जातात. शाहाबादी आंब्याची झाडं राष्ट्रपती भवनातील बगीच्याची शोभा वाढवतात.

या व्हेरायटीज केल्या विकसित

शाहाबादमध्ये वेगवेगळ्या व्हेरायटीचे आंबे आहेत. येथील शेतकऱ्यांनी आंब्याच्या चांगल्या जातीची निवड केली. आंब्याच्या बगीच्याचे मालक बब्बू खान सांगतात की, त्यांचे बगीचे कित्तेक वर्षांपासून आहेत. या बगीच्यांमध्ये हुस्त्र आरा, गुलाब खास, खासुलखास, चुंबक सीसी, गुलाब जामून, आबे हयात, भोगमिया, अंगुरी, शरबती, राम केला आणि राजा गुलाबसह अन्य कित्तेक जातीचे आंबे आहेत. रीसर्च करून वेगवेगळ्या व्हेरायटीज डेव्हलप केल्या आहेत.

या अभिनेत्यांनी चाखला आंब्यांचा स्वाद

उत्तर प्रदेशात आंब्यांसाठी मलिहाबाद प्रसिद्ध आहे. पण, आंब्याच्या चांगल्या व्हेरायटीसाठी शाहाबाद प्रसिद्ध आहे. या आंब्यांना अभिनेत्यांकडून चांगली मागणी आहे. येथील आंब्यांचा स्वाद दिलीप कुमार, सलमान खान, शाहरुख खान, आमीर खान यांनी घेतला आहे.

१०० पेक्षा जास्त व्हेरायटीज

आमीर खानच्या बगीच्यात शाहाबाद येथे १०० पेक्षा जास्त व्हेरायटीचे आंबे आहेत. येथील खास आंब्याचा रोप माजी राष्ट्रपती झाकीर हुसैन यांनी राष्ट्रपती भवनातील अशोका गार्डनमध्ये लावला. हरदोई जिल्हाधिकारी मंगला प्रसाद यांनी सांगितले की, उद्यान विभागाच्या वतीनं वारंवार जागरुकता पसरवली जाते. शाहाबाद आंब्याचा ग्रीन बेल्ट आहे. येथील युवक आता आंब्याची हायटेक नर्सरी तयार करत आहेत. नर्सरीसाठी राज्य सरकार ४० टक्के अनुदान देते.