PM Kisan Scheme: 10 डिसेंबरपासून 2000 रुपये खात्यात जमा होणार, जाणून घ्या संपूर्ण प्रक्रिया…

नवी दिल्ली: देशाच्या राजधानीत मोदी सरकारनं मंजूर केलेल्या कृषी कायद्यांविरोधात शेतकऱ्यांचे आंदोलन सुरु आहे. दुसरीकडे पंतप्रधान नरेंद्र मोदी यांच्या नेतृत्वात केंद्र सरकार 2000 रुपयांचा सातवा हप्ता शेतकऱ्यांच्या खात्यावर पाठवणार आहे. पंतप्रधान किसान सन्मान निधी योजना (PM-Kisan Samman Nidhi Scheme) अंतर्गत सातवा हप्ता 10 डिसेंबर, 2020 पासून मिळण्यास सुरुवात होणार आहे. (PradhanMantri Kisan Samman Nidhi Scheme 7th Installment will get from 10th December 2020)

या योजनेंतर्गत वर्षाला तीन हप्त्यांमध्ये 6000 रुपये दिले जातात. आतापर्यंत हप्ते शेतक-यांना पाठविण्यात आले आहेत. गेल्या 23 महिन्यांत केंद्र सरकारने 11.17 कोटी शेतकर्‍यांच्या खात्यावर 95 कोटी रुपयांहून अधिक मदत दिली आहे. पीएम किसान सन्मान योजनेत केंद्र सरकार हे पैसे तीन हप्त्यांमध्ये वर्ग करते. पहिला हप्ता 1 डिसेंबर ते 31 मार्च या कालावधीत येतो, तर दुसरा हप्ता 1 एप्रिल ते 31 जुलै दरम्यान आणि तिसरा हप्ता 1 ऑगस्ट ते 30 नोव्हेंबरदरम्यान शेतकऱ्यांच्या खात्यात जमा होतो. मात्र, यासाठी शेतकऱ्यांचे आधार कार्ड बँक खात्यांसी लिंक असणं आवश्यक आहे.

सातव्या हप्त्याचा लाभ 11.17 कोटी नोंदणीकृत शेतकर्‍यांना मिळणार आहे. मात्र, त्यांची कागदपत्रे बरोबर असणं आवश्यक आहे. जेणेकरून पैसे मिळण्यास कोणतीही अडचण उद्भवणार नाही. रेकॉर्डमध्ये काही गडबड असल्यास तुम्हाला योजनेचा लाभ मिळणार नाही. काही शेतकर्‍यांना अर्ज करूनही पैसे मिळालेले नाहीत, कारण एकतर त्यांची नोंद चुकीची आहे किंवा आधारकार्डची माहिती उपलब्ध नाही. तर काहींच्या नावामध्ये गडबड असल्यानं पैसेदेखील थांबवण्यात आलेले आहेत.

रेकॉर्डबरोबर आहे की नाही हे कसे तपासावे

आधार क्रमांक असा अपडेट करा >> पंतप्रधान किसान सन्मान निधी योजनेची अधिकृत वेबसाइट (pmkisan.gov.in) आहे. वेबसाइट लॉग इन करावे लागेल. यात तुम्हाला ‘शेतकरी कॉर्नर’ टॅब क्लिक करावे लागेल. >> आपण यापूर्वी अर्ज केला असेल आणि तुमचा आधार योग्य प्रकारे अपलोड झाला नसेल किंवा काही कारणास्तव आधार क्रमांक चुकीच्या पद्धतीने प्रविष्ट केला गेला असेल तर त्याची माहिती त्यात सापडेल. >> शेतकरी कॉर्नरमध्ये पीएम किसान योजनेंतर्गत शेतकऱ्यांना नावनोंदणी करण्याचा पर्यायही देण्यात आला आहे. >> यात शासनाने सर्व लाभार्थ्यांची संपूर्ण यादी अपलोड केली आहे. आपल्या अर्जाची स्थिती काय आहे. याबाबत आधार क्रमांक / बँक खाते / मोबाइल नंबरद्वारे शेतक-यांना माहिती मिळू शकते. >> या योजनेचा लाभ देण्यात आलेल्या शेतक-यांची नावे राज्य / जिल्हानिहाय / तहसील / गावानुसार पाहिली जाऊ शकतात.

मंत्रालयाशी संपर्क साधण्याचीही सुविधा

मोदी सरकारची ही सर्वात मोठी शेतकरी योजना असल्याने शेतकर्‍यांना अनेक प्रकारच्या सुविधा देण्यात आल्या आहेत. यात एक हेल्पलाईन नंबर आहे. ज्याद्वारे देशातील कोणत्याही भागातील शेतकरी थेट कृषी मंत्रालयाशी संपर्क साधू शकतात. 1.पंतप्रधान किसान टोल फ्री क्रमांक: 18001155266 2.पंतप्रधान किसान हेल्पलाईन क्रमांक: 155261 3.पंतप्रधान किसान लँडलाईन क्रमांक: 011—23381092, 23382401 4.पंतप्रधान किसन यांची नवीन हेल्पलाईन: 011-24300606 5.पंतप्रधान किसन यांची आणखी एक हेल्पलाईन आहे: 0120-6025109 ईमेल आयडी: pmkisan-ict@gov.in

नवीन शेतकर्‍यांची नोंदणी कशी करावी ?

जर तुम्ही अद्याप पंतप्रधान किसान सन्मान निधी मिळविण्यासाठी नोंदणी केली नसेल तर आताही नोंदणी करून तुम्हाला फायदा मिळवता येऊ शकेल. सर्व प्रथम, आपल्याला या योजनेशी संबंधित अधिकृत साइटवर जावे लागेल. ज्यामध्ये शेतकरी कॉर्नरचा पर्याय दिसेल. नवीन शेतकरी नोंदणी टॅबवर क्लिक करा.

त्यानंतर आपल्यासमोर एक नवीन विंडो उघडेल, ज्यामध्ये आपल्याला आधार कार्डचा तपशील भरावा लागेल. ते भरून झाल्यानंतर दुसरे पान तुमच्यासमोर उघडेल, जर तुम्ही आधीच नोंदणी केली असेल, तर तुमची माहिती येईल आणि तुम्ही पहिल्यांदा नोंदणी करत असाल तर असे लिहिलेले येईल की RECORD NOT FOUND WITH GIVEN DETAILS, DO YOU WANT TO REGISTER ON PM-KISAN PORTAL. तुम्हाला पंतप्रधान किसान पोर्टलवर नोंदणी करायची आहे का? यावर आपल्याला होय करावे लागेल.

यानंतर फॉर्म दिसेल जो भरावा लागेल. त्यामध्ये योग्य माहिती भरल्यानंतर ती सेव्ह करा. यानंतर आपल्यासमोर एक नवीन पेज उघडेल, ज्यामध्ये आपल्यास आपल्या जमिनीच्या सातबाराचा तपशील विचारला जाईल. विशेषत: सातबारावरील गट क्रमांक आणि खाते क्रमांक भरावे लागणार आहे. आपण जतन करताच नोंदणी प्रक्रिया पूर्ण केली जाईल.

अधिक माहितीसाठी संबंधित वेबसाईटला भेट द्या…

संबंधित बातम्या: 

PM Kisan Yojna : अद्याप 7.5 कोटी शेतकर्‍यांना 2 हजार रुपये मिळाले नाहीत, पैसे हवे असल्यास करा हे काम

नव्या वर्षाच्या सुरुवातीलाच 8 कोटी शेतकऱ्यांच्या खात्यात प्रत्येकी 2 हजार रुपये जमा

PM Kisan Scheme: 1 डिसेंबरपासून 2000 रुपये खात्यात जमा होणार, जाणून घ्या संपूर्ण प्रक्रिया…

(PradhanMantri Kisan Samman Nidhi Scheme 7th Installment will get from 10th December 2020)