Hero ची क्रांती; Splendor आणि HP Deluxe मॉडल पेट्रोलवर नाही तर धावणार इथेनॉलवर… Flex fuel बाईकची किंमत काय?
Hero Splendor And HP Deluxe Flex Fuel Bike: मध्य-पूर्वेतील युद्ध पुन्हा भडकले आहे. देशात पेट्रोल आणि डिझेलच्या किंमती पुन्हा वाढण्याची भीती आहे. आता लोक पर्यायाकडे वळत आहेत. हिरो कंपनीने दुचाकीत नवीन प्रयोग केला आहे. इथेनॉलवर धावणारी दुचाकी बाजारात आणली आहे.
Hero Splendor And HP Deluxe Flex Fuel Bike: देशात प्रत्येक महिन्यात लाखो दुचाकींची विक्री होते. या दुचाकी पेट्रोलवर धावतात. आता काही इलेक्ट्रिक दुचाकीही बाजारात आल्या आहेत. देशातील सर्वात मोठी दुचाकी उत्पादक कंपनी हिरो मोटोकॉर्पने (Hero MotoCorp) देशात फ्लेक्स फ्युएल (Flex Fuel) बाईक लाँच केली आहे. नवी दिल्लीत आयोजित एका खास कार्यक्रमात केंद्रीय मंत्री नितीन गडकरी आणि पेट्रोलियम मंत्री यांनी ही दुचाकी बाजारात आणली. सर्वसामान्यांसाठी कंपनीने लोकप्रिय मॉडल्स स्प्लेंडर प्लस (Splendor+) आणि एचएफ डीलक्स (HF Deluxe) फ्लेक्स-फ्यूएलमध्ये आणले आहे.
किती आहे या बाईकची किंमत?
दिल्लीत Hero Splendor+ फ्लेक्स-फ्युएल व्हेरिएंट आणि एक्स-शोरूम किंमत 82,710 रुपये इतकी आहे. तर Hero HF Deluxe चे फ्लेक्स फ्युएल व्हेरिएंटची एक्स-शोरूमची किंमत 72,792 रुपये इतकी ठेवण्यात आली आहे. ही बाईक पेट्रोलसह इथेनॉल ब्लेंडेड पेट्रोलवर सहज धावेल. तांत्रिकदृष्ट्या ही बाईक खास पद्धतीने तयार करण्यात आली आहे. E20 (20% इथेनॉल) ते E85 (85% इथेनॉल) पर्यंत इंधनावर ही बाईक धावू शकते. सध्या भारतात पेट्रोलमध्ये 20 टक्के इथेनॉल मिसळले जाते. पण जेव्हा देशात इथेनॉल मिश्रीत पेट्रोल मिळेल, तेव्हा सुद्धा ही बाईक न कुरकुर करता धावेल.
भारत की बाइक, भारत का ईंधन! भारत के ऊर्जा क्षेत्र में हुई एक ऐतिहासिक अध्याय की शुरुआत! E20 से E85 ईंधन पर चलने वाली बाइक्स का हुआ अनावरण! इस पहल से ना केवल भारत में हरित ऊर्जा के क्षेत्र में क्रांति आएगी बल्कि आत्मनिर्भरता को बल मिलेगा। Delighted to launch a new chapter in… pic.twitter.com/Ek91wqkM92
— Hardeep Singh Puri (@HardeepSPuri) June 3, 2026
स्वच्छ ऊर्जेकडे भारताचे पाऊल
यावेळी केंद्रीय मंत्री नितीन गडकरी यांनी त्यांचे मत व्यक्त केले. देश आता स्वच्छ आणि पर्यायी ऊर्जेकडे अत्यंत गतीने जात असल्याचे ते म्हणाले. सर्वसामान्यांसाठी फ्लेक्स फ्युएलवर आधारीत तंत्रज्ञान आणणे हे एक क्रांतीकारक पाऊल असल्याचे ते म्हणाले. त्यामुळे महागड्या इंधनाच्या आयातीवर अवलंबून राहावे लागणार नाही. क्रूड ऑईलची आयात कमी झाल्याने देशाचा पैसा वाचणार आहे. तर इथेनॉलचा वापर वाढल्याने देशातील शेतकऱ्यांचा मोठा फायदा होणार आहे. इथेनॉल कृषीआधारीत उत्पादनातून तयार करण्यात येईल. त्यामुळे प्रदूषण कमी होईल. शेतकऱ्यांच्या हाती पैसा येईल. तर सर्वसामान्य नागरिकांना स्वस्त इंधन पर्याय उपलब्ध होईल. आत्मनिर्भर भारत आणि विकसीत भारतासाठी हे महत्त्वाचे पाऊल असल्याचे मानले जात आहे.
