पेट्रोल आणि इलेक्ट्रिसिटी दोन्हीवर चालणारी Huawei ची Aito M5 हायब्रिड कार सादर, Tesla Model Y ला टक्कर

चीनी मल्टीनेशनल टेक्नोलॉजी कंपनी Huawei ने स्मार्टफोन क्षेत्रात मोठं नाव कमावलं आहे. टेकसोबतच आता ही कंपनी ऑटो क्षेत्रात उतरण्याच्या तयारीत आहे.

पेट्रोल आणि इलेक्ट्रिसिटी दोन्हीवर चालणारी Huawei ची Aito M5 हायब्रिड कार सादर, Tesla Model Y ला टक्कर
Huawei presents Aito M5
टीव्ही 9 मराठी डिजीटल टीम

| Edited By: अक्षय चोरगे

Dec 25, 2021 | 1:43 PM

मुंबई : चीनी मल्टीनेशनल टेक्नोलॉजी कंपनी Huawei ने स्मार्टफोन क्षेत्रात मोठं नाव कमावलं आहे. टेकसोबतच आता ही कंपनी ऑटो क्षेत्रात उतरण्याच्या तयारीत आहे. कंपनी स्वतःची कार बनवत नसली तरी ऑटोनॉमस ड्रायव्हिंगसारख्या कार तंत्रज्ञानावर ऑटोमेकर्ससोबत काम करत आहे. Huawei ने अलीकडेच Aito M5 ही इलेक्ट्रिसिटी आणि फ्यूल दोन्हीवर चालणारी कार सादर केली आहे. कंपनीचा दावा आहे की, हे वाहन टेस्ला मॉडेल Y ला स्पेसिफिकेशन्सच्या बाबतीत मागे टाकू शकते. तथापि, Huawei ने कार बनवली नाही, त्याऐवजी, ते ऑटोनॉमस ड्रायव्हिंग सारख्या कार तंत्रज्ञानावर ऑटोमेकर्ससोबत काम करत आहेत. (Huawei presents Aito M5 car which runs on both electricity and fuel)

Aito M5 ही एक हायब्रिड कार आहे जी वीज आणि इंधन दोन्हीवर चालेल. प्राइस सब्सिडीनंतर, या कारची किंमत 250,000 युआन (29,45,915 रुपये) आहे. ही किंमत टेस्ला मॉडेल Y पेक्षा कमी आहे, या कारची किंमत सबसिडीनंतर 280,752 युआन (अंदाजे 33,07,887 रुपये) आहे. कंपनीने खुलासा केला आहे की ते लूनर न्यू ईयरनंतर 20 फेब्रुवारी 2022 च्या सुमारास कारचे वितरण सुरू करतील.

M5 HarmonyOS ऑपरेटिंग सिस्टमवर काम करणार

Aito M5 ही Huawei च्या HarmonyOS ऑपरेटिंग सिस्टमवर चालणारी पहिली कार आहे. टेस्ला मॉडेल Y च्या तुलनेत ही कार चालकांना अधिक पीक पॉवर आणि ड्रायव्हिंग रेंज देईल, असा Huawei चा दावा आहे. तथापि, टेस्लाच्या विपरीत ही कार पूर्णपणे इलेक्ट्रिक नसेल, त्याऐवजी, ड्रायव्हिंग रेंज वाढवण्यासाठी त्यात फ्यूल टँकदेखील असेल. कारबद्दल उघड झालेल्या काही इतर स्पेसिफिकेशन्समध्ये डबल-लेअर्ड साउंड-प्रूफ ग्लास समाविष्ट आहे.

Huawei च्या स्वतःच्या ऑपरेटिंग सिस्टमवर चालणारी पहिली कार असण्याव्यतिरिक्त, Aito M5 हे Aito ब्रँड अंतर्गत पहिले मॉडेल देखील आहे. Aito म्हणजे ‘adding intelligence to auto’. नवीन ब्रँड ऑटोमेकर सेरेस (एसएफ मोटर्स) चा भाग आहे.

Aito M5 ही Ceres ची मॅन्युफॅक्चरर आहे, परंतु संपूर्णपणे Huawei ने डिझाइन केलेली, ही कार जगातील दोन सर्वात मोठ्या बाजारपेठा म्हणजेच US आणि चीनमध्ये विकली जाईल, असे मानले जात आहे. तसेच, कंपनीने उघड केले आहे की त्यांच्या स्मार्टवॉचपैकी एक व्हीकलमध्ये प्रवेश करण्यासाठी चावी म्हणून वापरलं जाऊ शकतं.

इतर बातम्या

Hero Moto Corp : जानेवारीपासून महाग होणार ‘हिरों’सह विविध गाड्या, इथे पाहा मॉडेल्स आणि किंमती

Toyota India : टाटा नॅनोपेक्षाही छोटी आहे टोयोटाची ‘ही’ इलेक्ट्रिक कार; काय आहे खास, वाचा…

Motorcycles India : TVS मोटरनं लाँच केली अपाची आरटीआर 165 RP लिमिटेड एडिशन, जाणून घ्या किंमत आणि वैशिष्ट्ये

(Huawei presents Aito M5 car which runs on both electricity and fuel)

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें