गाडी चालवतांना या गोष्टी ठेवा लक्षात, नाही होणार दंड

मुंबई : भारतात वाहतुकीचे नियम सातत्याने कडक केले जात आहेत. मात्र तरीही अनेकजण बेदरकारपणे वाहने चालवतात. त्यामुळे वाहतूक नियमांचे उल्लंघन होत आहे. वाहतुकीचे नियम लोकांच्या सुरक्षेसाठी बनवले जातात, नियमांचे उल्लंघन करणाऱ्यांना वाहतूक पोलिस नियम मोडणाऱ्यांना चालना देतात. अनेक वेळा जाणूनबुजून किंवा नकळत लोकांचे चालान कापले जाते. तुम्हाला दंडाला (Traffic Chalan) सामोरे जावे लागू नये म्हणून आम्ही तुम्हाला काही टिप्स सांगणार आहोत, ज्या तुम्ही अवलंबल्यास दंड होण्यापासून वाचू शकता.

रस्त्यावरील सिग्नलकडे लक्ष द्या

रस्त्यावर वाहन चालवताना नेहमी अत्यंत सावधगिरी बाळगा. यासाठी रस्त्यावरील ट्रॅफिक सिग्नल्स आणि फलकांकडे लक्ष घ्या. कमाल वेग मर्यादा आणि इतर अनेक माहिती रस्त्यावरील फलकांवर लिहिलेली असते. अपघात आणि ट्रॅफिक जाम टाळण्यासाठी चेतावणी चिन्हांकडे लक्ष देणे खूप महत्वाचे आहे.

सर्व कागदपत्रे सोबत ठेवा

अनेक वेळा आवश्यक कागदपत्रे सोबत न ठेवल्याने वाहतूक दंड होतो. वाहन चालवताना तुम्ही नेहमी तुमच्यासोबत ड्रायव्हिंग लायसन्स, आरसी, प्रदूषण प्रमाणपत्र आणि विम्याचे कागद ठेवावे जेणेकरून तुम्हाला ट्रॅफिक चलनाला सामोरे जावे लागणार नाही. तपासणी दरम्यान, वाहतूक पोलिस तुम्हाला ही कागदपत्रे दाखवण्यास सांगू शकतात. तुम्ही ही कागदपत्रे मोबाइल किंवा ट्रान्सपोर्ट अॅप किंवा डिजीलॉकरवर डाउनलोड करून तुमच्याकडे ठेवू शकता.

अनावश्यक बदल करू नका

वाहानाला आकर्षक बनविण्यासाठी बरेच लोकं त्यांच्या वाहनात विविध बदल करतात. काही प्रमाणात ठीक आहे, पण काही बेकायदेशीर बदल केल्यामुळे तुमचे ट्रॅफिक चलन कापले जाऊ शकते. या बदलांमध्ये ब्लॅक फिल्म कोटेड खिडक्या, फोकस लाईट, मोठ्या आवाजाची यंत्रणा आणि अशा अनेक सुधारणांचा समावेश आहे.