Thar Roxx सह ‘या’ 3 महिंद्रा एसयूव्हीला 5 स्टार रेटिंग, वाचा
Mahindra च्या XUV 3xo आणि Thar Roxx या वर्षी लॉन्च करण्यात आलेल्या SUV प्रेमींना भारतीय मार्केटमध्ये वेड लावत आहेत. विशेष म्हणजे या SUV ची चांगली विक्री देखील होत आहे. विविध श्रेणींमध्ये महिंद्राच्या या कॉम्पॅक्ट आणि मिडसाईज SUV चे पॉईंट्स आणि सेफ्टी रेटिंगबद्दल जाणून घ्या.
Mahindra स्कॉर्पिओ-एन आणि एक्सयूव्ही 700 नंतर महिंद्रा अँड महिंद्राच्या नवीन Thar Roxx, XUV 3xo आणि Xuv400 ला कार क्रॅश टेस्टमध्ये जबरदस्त रेटिंग मिळाले आहे. भारत न्यू कार असेसमेंट प्रोग्रामने त्यांना 5 स्टार सेफ्टी रेटिंग दिले आहे.
भारत न्यू कार असेसमेंट प्रोग्रॅममध्ये नुकत्याच झालेल्या क्रॅश टेस्टमध्ये महिंद्राची नवीन Thar Roxx तसेच 3xo आणि Xuv400 सारख्या एसयूव्हीची क्रॅश टेस्ट करण्यात आले आणि या कारना Adult Occupant Protection आणि Child Occupant Protection श्रेणींमध्ये जबरदस्त गुण मिळाले, त्यानंतर या तिघांना 5 स्टार सेफ्टी रेटिंग देण्यात आले.
महिंद्रा अँड महिंद्राची नवीन थार रॉक्स ही भारत एनसीएपीमध्ये 5 स्टार सेफ्टी रेटिंग मिळवणारी पहिली बॉडी-ऑन-फ्रेम एसयूव्ही ठरली आहे. तसेच क्रॅश टेस्टमध्ये सर्वाधिक गुण मिळवणारे हे आयसी इंजिन वाहन ठरले आहे.
Thar Roxx ने मोडला विक्रम
क्रॅश टेस्टच्या Adult Occupant Protection (AOP) श्रेणीत Thar Roxx ने 32 पैकी एकूण 31.09 गुण मिळवले, तर Child Occupant Protection (COP) मध्ये 49 पैकी 45 गुण मिळवले. त्याआधारे महिंद्रा Thar Roxx ला इंडिया-एनसीएपीमध्ये 5 स्टार सेफ्टी रेटिंग मिळाले आहे. Thar Roxx ची सध्याची एक्स शोरूम किंमत 12.99 लाख ते 22.49 लाख रुपयांपर्यंत आहे.
महिंद्राच्या स्वस्त SUV ला 5 स्टार सेफ्टी रेटिंग
महिंद्रा अँड महिंद्राच्या सर्वात स्वस्त सब-4 मीटर कॉम्पॅक्ट एसयूव्ही एक्सयूव्ही 3 एक्सला भारत न्यू कार असेसमेंट प्रोग्राममध्ये 5 स्टार सेफ्टी रेटिंग देखील मिळाले आहे. महिंद्रा एक्सयूव्ही३एक्सओने क्रॅश टेस्टनंतर Adult Occupant Protection (AOP) श्रेणीत 32 पैकी 29.36 गुण आणि Adult Occupant Protection (AOP) श्रेणीत 49 पैकी 43 गुण मिळवले. त्यापाठोपाठ एकूण सुरक्षा मानांकन ५ होते. महिंद्रा एक्सयूव्ही३एक्सओची सध्याची एक्स-शोरूम किंमत 7.79 लाख ते 15.49 लाख रुपयांपर्यंत आहे.
Xuv400 इलेक्ट्रिक SUV आता 5 स्टार रेटिंगसह
क्रॅश टेस्टमध्ये भारत एनसीएपीने महिंद्राची सध्याची एकमेव इलेक्ट्रिक एसयूव्ही एक्सयूव्ही 400 ला 5 स्टार सेफ्टी रेटिंग दिले आहे. या एसयूव्हीने Adult Occupant Protection (AOP) श्रेणीत 32 पैकी 30.377 गुण आणि Adult Occupant Protection (AOP) श्रेणीत 49 पैकी 43 गुण मिळवले. भारतातील सर्वात सुरक्षित इलेक्ट्रिक SUV पैकी एक असलेल्या महिंद्रा AXUV 400 ची एक्स शोरूम किंमत 15.49 लाख रुपयांपासून ते 19.39 लाख रुपयांपर्यंत आहे.
