TVS ची ‘ही’ बाईक फक्त 38 हजारात, काय आहेत ऑफर्स ?

Second Hand Bike under 50000: आजकाल बाईकच्या किंमती देखील खूप वाढल्या आहेत. आधीच वेगवेगळ्या प्रकारचे ईएमआय चालू असणाऱ्यांना बाईकचा अधिकचा ईएमआय परवडत नाही. अशा वेळी तुम्ही सेकंड हँड बाईक घेणे योग्य ठरते. कारण, येथे सर्वकाही आपल्या बजेटमध्ये असतं. आज आम्ही तुम्हाला बाईकची एक खास ऑफर सांगणार आहोत.

ऑफिसला जाण्यासाठी बाईक विकत घ्यावी लागते, पण सध्या नवीन बाईक खरेदी करण्यासाठी बजेट नसेल तर टेन्शन घेण्याची गरज नाही. नववर्षाच्या पूर्वसंध्येला आम्ही तुम्हाला एका बाईकबद्दल सांगतो ज्याची किंमत जवळपास 1.75 लाख रुपये आहे, पण ही बाईक तुम्हाला 38 हजार रुपयांमध्ये मिळू शकते. किंमत बघून तुम्हाला समजलं असेल की या किंमतीत तुम्हाला नवीन बाईक मिळत नाहीये, खरं तर असे अनेक प्लॅटफॉर्म आहेत जिथे सेकंड हँड बाईक अगदी स्वस्तात मिळतात.

सर्वात स्वस्त बाईक कुठे मिळेल?

OLX वर मिळालेल्या माहितीनुसार, टीव्हीएस कंपनीचा TVS Apache RTR 200 4V केवळ 38 हजार रुपयांना विकला जात आहे. वापरलेली ही बाईक 16,000 किमी धावली असून ती दिल्लीच्या हरी एन्क्लेव्ह भागात उपलब्ध आहे.

तर दुसरीकडे ही टीव्हीएस बाईक Quikr वर 70 हजार रुपयांना विकली जात आहे. ही बाईक 36000 किमी धावली आहे, ही बाईक बंगळुरूमध्ये विक्रीसाठी उपलब्ध आहे.

Bikedekho वर जुन्या सेकंड हँड बाईकही उपलब्ध आहेत, टीव्हीएस कंपनीची ही बाईक या प्लॅटफॉर्मवर 80 हजार रुपयांना विकली जात आहे. बाईकसोबत अपलोड केलेले डिटेल्स पाहता ही बाईक 90,900 किमी चालवण्यात आल्याचे समोर आले आहे. या बाईकचे 2018 मॉडेल तुम्हाला या किंमतीत मिळणार आहे.

TVS Apache RTR 200 4V Price

TVS च्या अधिकृत संकेतस्थळानुसार, या बाईकची किंमत 1,48,620 रुपये (एक्स-शोरूम) आहे, परंतु दिल्लीत या बाईकची ऑन-रोड किंमत 1,74,662 रुपये म्हणजेच सुमारे 1.75 लाख रुपये (एक्स-शोरूम, दिल्ली) आहे.

कागदपत्रांची पडताळणी आणि बाईकची स्थिती तपासा वाहनाच्या कागदपत्रांची पडताळणी आणि बाईकची स्थिती तपासल्याशिवाय पैसे देण्याची चूक करू नका. याशिवाय बाईकवर काही प्रलंबित चालान आहे का हे पाहण्यासाठी बाईकची चालान हिस्ट्री देखील ऑनलाईन तपासा. सर्व गोष्टींची पडताळणी केल्यानंतरच पैसे भरा.

तुम्ही तुमच्या बजेटनुसार वरील माहितीचा उपयोग करून बाईक घ्यायची की नाही, याचा निर्णय घेऊ शकता. पण लक्षात घ्या की तुम्हाला सेकंड हँड गाडी घेतांना आधी कागदपत्रे तपासायचे आहे. कारण, फसवणूक देखील होऊ शकते.