‘वो भी क्या जमाना था…’ Yamaha नव्या अंदाजात लाँच होणार, काय नवीन?

Yamaha RX100 Launch : रस्त्यांवर राज्य करणारी Yamaha परत नव्या अंदाजात येते. आता पुन्हा तुम्हाला 80 आणि 90 च्या दशकासारखा जमाना दिसेल. ‘वो भी क्या जमाना था…’ असं म्हणण्याची आता गरज नाही. कारण, Yamaha आता नव्या अंदाजात येते आहे. Yamaha RX100 पुन्हा एकदा भारतीय बाजारात लाँच करण्यात आली आहे. यावेळी Yamaha RX100 असे नाव देण्यात आले असले तरी इंजिनची क्षमता वाढवण्यात आल्याचे बोललं जात आहे.

बुकिंग कधी सुरू होणार?

Yamaha RX100 लाँच झाल्याचा दावा अनेक मीडिया रिपोर्ट्समध्ये करण्यात आला आहे. त्याचे बुकिंग लवकरच सुरू होणार आहे. इतकंच नाही तर यावेळी कंपनीने आपला वारसा जपण्यासाठी याला Yamaha RX100 असं नाव दिलं आहे, पण यावेळी फीचर्स आणि इंजिनसह अपडेट करण्यात आलं आहे.

Yamaha RX100 कधी लॉन्च होणार?

Yamaha मोटर इंडियाच्या वेबसाईटवर गेल्यास तुम्हाला या बाईकच्या लाँचिंगशी संबंधित कोणतेही अपडेट्स देण्यात आलेले नाहीत. तसेच Yamaha RX100 च्या रिलॉन्चबाबत यामाहा ग्लोबलकडून कोणतीही खुली माहिती देण्यात आलेली नाही. मात्र, लवकरच ही बाईक भारतीय बाजारात परतण्याची शक्यता आहे. असो, अलीकडच्या काळात जावा, येज्दी आणि बीएसए सारख्या क्लासिक बाईकने भारतीय बाजारपेठेत दमदार पुनरागमन केले आहे.

काही यूट्यूब व्लॉगर्सपासून ऑटो ब्लॉगर्सनी आपल्या पोस्टमध्ये Yamaha RX100 च्या लाँचिंगबद्दल सांगितले आहे. याबाबत एक फोटोही व्हायरल होत आहे, ज्याला पूर्णपणे दुजोरा मिळालेला नाही.

Yamaha बाईकची खास वैशिष्ट्ये

Yamaha RX100 1985 मध्ये लाँच करण्यात आली होती. सुरवातीला यामहाने जपानमधून भारतात आयात केली, पण 1990 च्या दशकात आयशर मोटर्सने भारतात बनवण्याचा परवाना घेतला आणि 1996 पर्यंत भारतात त्याचे उत्पादन आणि विक्री होत होती. Yamaha RX100 लोकप्रिय होण्याचे सर्वात मोठे कारण म्हणजे त्याचे स्लीक डिझाईन. त्याचबरोबर यात 98 सीसीचे 2 स्ट्रोक इंजिन होते, ज्याने त्या काळात जबरदस्त पॉवर दिली होती. ही बाईक भारतीय ग्राहकांना डोळ्यासमोर ठेवून विकसित करण्यात आली होती. त्याच्या सीटच्या उंचीपासून हलक्या वजनापर्यंत भारतीय ग्राहकांना ते आवडले.

Yamaha RX100 अशा वेळी भारतात आली जेव्हा टू-व्हीलर्समध्ये स्कूटरला पसंती दिली जात होती आणि बजाज चेतकचा दबदबा होता. Yamaha RX100 ने चेतकचे वर्चस्व रस्त्यांवरून दूर करण्याचे काम केले, कारण त्याच्या हलक्या वजनामुळे ती स्कूटरपेक्षा चांगले मायलेज देते. 1994 पर्यंत बाजारपेठ 4 स्ट्रोक इंजिनकडे वळू लागली. या बदलामुळे बजाज चेतकचीही वाईट परिस्थिती निर्माण झाली आणि Yamaha RX100 देखील याला बळी पडली. चांगल्या वारशामुळे कंपनीने वेळीच बदल केले नाहीत आणि तोपर्यंत हिरो होंडाने (आताहिरो मोटोकॉर्प) हिरो स्प्लेंडर 4 स्ट्रोक इंजिनमध्ये भारतीय बाजारात लाँच केले.

स्प्लेंडरने बाजारपेठ काबीज करण्यास सुरुवात केली आणि आजही ती देशातील सर्वाधिक विकली जाणारी टू-व्हीलर आहे. हिरोने यामहाच्या चुकीची पुनरावृत्ती न करता वेळोवेळी स्प्लेंडरमध्ये बदल करून स्प्लेंडर+ आणि सुपर स्प्लेंडरसारखे मॉडेल्स लाँच केले.