Budget 2021 | 75 वर्षापेक्षा जास्त वय असणाऱ्या ज्येष्ठ नागरिकांना टॅक्स देण्याची गरज नाही !
अर्थमंत्री निर्मला सीतारमण यांनी करदात्यांसाठी मोठी घोषणा केली आहे. त्यानुसार आता 75 वर्षांपेक्षा अधिक वय असलेल्या जेष्ठ नागरिकांना कर रचनेतून मोठी सूट देण्यात आली आहे.
नवी दिल्ली : कोरोना संकटाच्या काळात शेती, उद्योग, व्यापार अशा सर्वच क्षेत्राला मोठा फटका बसला आहे. संपूर्ण जग या महामारीच्या संकटातून जात आहे. अशावेळी सर्वांच्या नजरा भारतावर आहेत. अशा संकटाच्या काळात आपण आपल्या करदात्यांना काही सवलत द्यायला हवी, असं म्हणत अर्थमंत्री निर्मला सीतारमण यांनी करदात्यांसाठी मोठी घोषणा केली आहे. त्यानुसार आता 75 वर्षांपेक्षा अधिक वय असलेल्या जेष्ठ नागरिकांना कर रचनेतून मोठी सूट देण्यात आली आहे.(Tax exemption for senior citizens above 75 years of age)
केंद्रीय अर्थमंत्री निर्मला सीतारमण यांनी ज्येष्ठ नागरिकांसाठी एक खास घोषणा केली आहे. त्यानुसार 75 वर्षांपेक्षा अधिक वय असलेल्या ज्येष्ठ नागरिकांना आता करातून सूट देण्यात आली आहे. आता 75 वर्षांपेक्षा अधिक वय असलेल्या ज्येष्ठ नागरिकांना ITR म्हणजे प्राप्तीकर विवरणपत्र भरावा लागणार नाही. त्यांच्या बँक खात्यातूनच प्राप्तीकराची रक्कम घेतली जाणार आहे. दरम्यान, हा लाभ फक्त पेन्शनधारकांना मिळणार आहे.
अर्थमंत्र्यांच्या या घोषणेमुळे जेष्ठ नागरिकांना मोठा दिलासा मिळाला आहे. कारण दरवर्षी प्राप्तीकर विवरणपत्र भरण्यासाठी कराव्या लागणाऱ्या धावपळीतून त्यांनी आता सुटका होणार आहे. यावर्षी कोरोना संकटामुळे प्राप्तीकर भरण्यासाठी अनेक अडचणी आल्या होत्या. प्रामुख्यानं ज्येष्ठ नागरिकांना घराबाहेर पडता येत नव्हतं. त्यामुळे सातत्याने मुदतवाढ द्यावी लागत होती.
गृहकर्जात दीड लाखापर्यंत सूट
सर्वांना घराची सुविधा किंवा किरायाने घर उपलब्ध होण्यासाठी गृहकर्जात दीड लाख रुपयांपर्यंत सूट देण्यात आली होती. ती सुविधा आता एक वर्षासाठी वाढवण्यात आली आहे. जुलै 2019 मध्ये दीड लाखाच्या व्याजावर करात सवलत दिली होती. जर तुम्ही घर खरेदी करणार असाल आणि मार्च 2022 पर्यंत त्यासाठी कर्ज घेणार असाल तर त्यावरही तुम्हाला सूट दिली जाणार आहे.
PF उशिरा जमा केल्यास कपात नाही
त्याचबरोबर अर्थमंत्र्यांनी घोषणा केली आहे की, PF उशिरा जमा केल्यावर कुठलिही कपात केली जाणार नाही. त्याचबरोबर डिव्हिडेंटवरही कर हटवण्यात आला आहे. त्यामुळे लोकांना याचा फायदा होईल. त्याचबरोबर अनेक करांमध्ये सवल देण्यात आल्याचंही अर्थमंत्र्यांनी यावेळी सांगितलं. टॅक्स प्रणाली अधिक सोपी बनवण्यासाठी अनेक सुधारणा करण्यात आल्या आहेत. NRI लोकांना कर भरण्यासाठी अनेक अडचणींचा सामना करावा लागत होता. मात्र यावेळी त्यांना डबल टॅक्स सिस्टिममधून सूट देण्यात येत असल्याची घोषणाही अर्थमंत्र्यांनी केली आहे.
संबंधित बातम्या :
Banking Budget 2021: कर्ज बुडव्यांच्या वसुलीसाठी बॅड बँकेची घोषणा; कशी काम करणार बॅड बँक?
Tax exemption for senior citizens above 75 years of age
