Union Budget 2023 Live : भांडवली खर्चासाठी अर्थसंकल्पात 10 लाख कोटींची तरतूद, रेल्वे, रस्ते यासह महत्त्वाच्या क्षेत्रात खासगी गुंतवणुकीवर भर
त्याचबरोबर दरडोई उत्पन्न 1.97 लाख रुपये वार्षिक झाले आहे. भारतीय अर्थव्यवस्था अधिक मजबूत झाली आहे, त्याचा परिणाम लोकांच्या राहणीमानावर दिसत आहे.
मुंबई : भांडवली खर्चासाठी अर्थसंकल्पात (Budget 2023) 10 लाख कोटींची तरतूद करण्यात आली आहे. रेल्वे, रस्ते यासह महत्त्वाच्या क्षेत्रात खासगी गुंतवणुकीवर आजच्या अर्थसंकल्पात (Union Budget 2023 live) भर देण्यात आला आहे. त्यासह 157 नवीन नर्सिंग कॉलेज उघडण्यात येणार असल्याचं अर्थमंत्री निर्मला सितारामन (budget speech live) यांनी जाहीर केलं आहे. त्याचबरोबर 2014 नंतर 157 नवीन वैद्यकीय महाविद्यालये स्थापन करण्यात आली आहेत असंही अर्थमंत्र्यांनी भाषणात सांगितलं
अर्थमंत्री निर्मला सीतारामन यांनी लोकसभेत अर्थसंकल्प सादर करीत आहेत. त्यांनी आतापर्यंत अनेक मोठ्या घोषणा केल्या आहेत. इंडियन इन्स्टिट्यूट ऑफ मिल्ट्स लवकरच स्थापन करण्यात येणार आहे. तसेच ग्रामीण महिलांसाठी 81 लाख बचत गटांना मदत मिळेल, त्यात आणखी वाढ करण्यात येणार आहे. केवळ आर्थिक मदतच केली नाही तर त्यांची तांत्रिक कौशल्ये सुधारण्यावर भर देण्यात आला आहे.
28 महिन्यांत 80 कोटी लोकांना मोफत धान्य देण्यात आल्याचं सुध्दा अर्थमंत्र्यांनी सांगितलं. केंद्र सरकारने कोविड लसीचे 220 कोटी डोस उपलब्ध केले. त्यापैकी 44.6 कोटी लोकांना ते पीएम सुरक्षा आणि पीएम जीवन ज्योती योजनेतून लोकांना देण्यात आले. पीएम किसान सन्मान निधीच्या माध्यमातून करोडो शेतकऱ्यांना फायदा होत आहे.
भारतातील लोकांचे दरडोई उत्पन्न डब्बल
मागच्या काही वर्षांत भारतातील लोकांचे दरडोई उत्पन्न डब्बल झाल्याचे अर्थमंत्र्यांनी सुरुवातीला जाहीर केले. त्याचबरोबर दरडोई उत्पन्न 1.97 लाख रुपये वार्षिक झाले आहे. भारतीय अर्थव्यवस्था अधिक मजबूत झाली आहे, त्याचा परिणाम लोकांच्या राहणीमानावर दिसत आहे.
