BUDGET 2022: शेअर बाजाराला ‘ग्रोथ रेट’चा बूस्टर; बजेटच्या पहिल्याच दिवशी तेजी, सेन्सेंक्स 813 अंकांनी उसळला
सेंन्सेक्स 813 अंकांच्या वाढीसह 57,845 अंकांवर बंद झाला. निफ्टी 237 अंकांच्या वाढीसह 7,339 अंकांवर बंद झाला.
नवी दिल्लीः संसदेत सादर करण्यात आलेल्या अर्थसंकल्प पाहणी अहवालाचे (ECONOMIC SURVEY OF INDIA) सकारात्मक पडसाद शेअर बाजारात दिसून आले. सेंन्सेक्स 813 अंकांच्या वाढीसह 57,845 अंकांवर बंद झाला. निफ्टी 237 अंकांच्या वाढीसह 7,339 अंकांवर बंद झाला. टेकम, विप्रो, बजाज फिनसर्व्ह टॉप गेनर (TOP GAINERS) ठरले. इंड्सइंड बँक, कोटक बँक, हिंदूनी लिव्हर तोट्यात राहिले. निफ्टीच्या 50 शेअर्सपैकी 44 शेअर्स तेजीसह बंद झाले. टेक महिंद्राची कामगिरी (TECH MAHINDRA) वरचढ राहिली. टेक महिंद्राचे स्टॉक 5.1 टक्क्यांच्या वाढीसह ₹1482.95 वर बंद झाले. टाटा मोटर्स शेअरमध्ये 4% टक्क्यांची वाढ नोंदविली गेली. विप्रो, BPCL आणि बजाज फिनसर्व्ह शेअर्समध्ये 3% टक्क्याहून अधिक तेजी दिसून आली.
आजचे तेजीचे शेअर्स:
• टेक महिंद्रा (4.85) • टाटा मोटर्स (4.11) • बीपीसीएल (3.80) • विप्रो (3.70) • बजाज फिनसर्व्ह (3.23)
आजचे घसरणीचे शेअर्स:
• इंड्सइंड (-3.48) • कोटक महिंद्रा (-2.16) • यूपीएल (-1.74) • कोल इंडिया(-1.14) • एचयूएल(-0.43)
विकास दरानं मार्केटला एनर्जी
अर्थमंत्री निर्मला सीतारामन (Finance Minister Nirmala Sitaran) यांनी आज अर्थसंकल्पीय अधिवेशनाच्या पहिल्या दिवशी आर्थिक सर्वेक्षण 2022 (Economic Survey 2022) सादर केले. आर्थिक पाहणी अहवालात चालू आर्थिक वर्षाचा विकास दर (GDP) हा 9.2 टक्के वर्तवण्यात आला आहे. कोरोना महामारीतून अर्थव्यवस्था सावरत असून, पुढील आर्थिक वर्षात विकासाला वेग येईल, असा विश्वास यावेळी अर्थमंत्री निर्मला सितारमण यांनी व्यक्त केला आहे. त्यामुळे गेल्या आठवड्यातील शेअर बाजारात असलेली मरगळ झटकली गेली.
मार्केटच्या नजरा अर्थसंकल्पाकडे:
केंद्रीय अर्थसंकल्प (Budget 2022) सादर होण्यासाठी अवघा एक दिवस शिल्लक आहे. अर्थसंकल्प सादर होण्यापूर्वी शेअर बाजारात (Share Market Updates) तेजी-घसरणीच सत्र सुरू होतं. मात्र, अर्थसंकल्पाच्या पहिल्याच दिवशी बाजारात तेजीचं चित्र पाहायला मिळालं. त्यामुळे गुंतवणुकदारांच्या आशा उंचावल्या आहेत. गेल्या वर्षी अर्थसंकल्प 2021 दिवशी सेंन्सेक्स मध्ये 5 टक्क्यांची तेजी दिसून आली होती. उद्या नेमकी अर्थसंकल्प सादरीकरणावेळी मार्केटचा मूड कसा असेल याकडे अर्थजगताच्या नजरा लागल्या आहेत. उद्योगांना अनुकूल धोरण, कोविड पॅकेज तसेच पायाभूत सुविधांसाठी मोठ्या निधीची तरतुदीची मार्केटला आशा आहे.
संबंधित बातम्या
