जीएसटी परिषदेच्या 46 व्या बैठकीला सुरुवात, अर्थमंत्री निर्मला सितारमण यांची उपस्थिती; महत्त्वपूर्ण विषयांवर निर्णयाची शक्यता

अर्थमंत्री निर्मला सितारमण (Finance Minister of India) यांच्या अध्यक्षतेखाली जीएसटी परिषदेच्या (GST Council 46th Meeting) 46 व्या बैठकीला सुरुवात झाली आहे. या बैठकीमध्ये अनेक महत्त्वपूर्ण निर्णय होण्याची शक्यता आहे.

निर्मला सितारमन

TV9 मराठी डिजीटल टीम | Edited By: Ajay Deshpande | Updated on: Dec 31, 2021 | 12:09 PM

नवी दिल्ली : अर्थमंत्री निर्मला सितारमण (Finance Minister of India) यांच्या अध्यक्षतेखाली जीएसटी परिषदेच्या (GST Council 46th Meeting) 46 व्या बैठकीला सुरुवात झाली आहे. या बैठकीमध्ये अनेक महत्त्वपूर्ण निर्णय होण्याची शक्यता आहे. टेक्सटाईल सेक्टरवर जीएसटी वाढवण्याचा निर्णय घेण्यात आला होता. कापड उद्योगावरील जीएसटी पाच टक्क्यांवरून 12 टक्के करण्याचा निर्णय घेण्यात आला होता. सुत्रांनी दिलेल्या माहितीनुसार आज हा निर्णय पुन्हा एकदा वापस घेतला जाऊ शकतो. हा निर्णय मागे घेतल्यास सर्व सामान्यांना मोठा दिलासा मिळू शकतो. जीएसटी संदर्भातील सर्व निर्णय हे जीएसटी परिषदेकडून घेण्यात येतात.

‘या’ विषयांवर चर्चा होण्याची शक्यता

सूत्रांनी दिलेल्या माहितीनुसार आज अनेक महत्त्वपूर्ण निर्णय घेतले जाऊ शकतात. कपडे आणि चपलांवर जीएसटी वाढवण्याचे संकेत यापूर्वीच केंद्राकडून देण्यात आले होते. कापड उद्योगावरील जीएसटी 5 टक्क्यांवरून वाढून 12 टक्के करण्याचा विचार सुरू होता. मात्र हा निर्णय तुर्तास लांबणीवर पडण्याची शक्यता आहे. तसेच जीएसटीच्या स्लॅब घटवण्यावर देखील चर्चा होऊ शकते.

जीएसटीमधून सरकारची किती कमाई ?

वित्त राज्यमंत्री पंकज चौधरी यांनी हिवाळी अधिवेशनादरम्यान संसदेमध्ये बोलताना माहिती दिली की, एप्रिल 2021 ते डिसेंबर 2021 पर्यंत जीएसटीच्या माध्यमातून केंद्र सरकारला एकूण 7.39 लाख कोटी रुपयांचे उत्पन्न मिळाले. ज्यामध्ये 3 लाख 63 हजार कोटी रुपयांचा व्यवसायिक कर तर 3 लाख 61 हजार कोटींच्या व्यक्तीगत कराचा समावेश आहे. तर उर्वरित 5 हजार 375 कोटी रुपये अन्य कराच्या माध्यमातून मिळाले.