रिलायन्सचा आणखी एक मोठा पराक्रम; Just Dialची 41% भागीदारी 3,497 कोटीत खरेदी
जस्ट डायलचे संस्थापक आणि मुख्य कार्यकारी व्ही. एस. एस. मणी आपल्या नेतृत्वातील भूमिका कायम ठेवतील, असे संयुक्त निवेदनात या दोन्ही कंपन्यांनी सांगितलेय.
नवी दिल्लीः अब्जाधीश मुकेश अंबानी यांच्या मालकीच्या रिलायन्स रिटेल व्हेन्चर्सने 3,497 कोटी रुपयांमध्ये डिजिटल डायरेक्टरी सर्व्हिस फर्म जस्ट डायलमध्ये नियंत्रित भाग विकत घेतलाय. भारतीय रिटेल कंपनीने म्हटले आहे की, जस्ट डायलमध्ये त्यांनी 41% हिस्सेदारी भागीदारी विकत घेतलीय आणि अतिरिक्त 26% भागभांडवल घेण्यासाठी खुली ऑफर देणार आहे. जस्ट डायलचे संस्थापक आणि मुख्य कार्यकारी व्ही. एस. एस. मणी आपल्या नेतृत्वातील भूमिका कायम ठेवतील, असे संयुक्त निवेदनात या दोन्ही कंपन्यांनी सांगितलेय.
ग्राहकांनाही व्यापार करण्यास सक्षम बनविण्यासाठी आमची दृष्टी विकसित झालीय
मणी म्हणाली, “सुमारे 25 वर्षांपूर्वी आमच्याकडे वेगवान, विनामूल्य, विश्वासार्ह आणि सर्वसमावेशक माहिती प्रदान करण्यासाठी आणि खरेदीदारांना विक्रेत्यांशी जोडण्यासाठी एक जोडलेले प्लॅटफॉर्म तयार करण्याची आमची इच्छा होती. “आमची दृष्टी केवळ शोध घेण्याकरिताच विकसित झालेली नाही, तर आमच्या बी 2 बी प्लॅटफॉर्मद्वारे व्यापार्यांमधील व्यापार वाढविण्यास आणि आमच्या व्यासपीठाच्या गुंतवणुकीमुळे ग्राहकांनाही व्यापार करण्यास सक्षम बनविण्यासाठी आमची दृष्टी विकसित झालीय. रिलायन्सबरोबर आमची सामरिक भागीदारी या दृष्टीची जाणीव करण्यास आणि पुढे जाणाऱ्या व्यवसायाचे रूपांतर करण्यास सक्षम करते.
रिलायन्स आधीपासूनच देशातील सर्वात मोठा संघटित किरकोळ विक्रेता
रिलायन्स आधीपासूनच देशातील सर्वात मोठा संघटित किरकोळ विक्रेता बनला आहे, तर जस्ट डायलचा स्थानिक शोध इंजिन विभागातील बाजारात दबदबा आहे. असे म्हणतात की, रिलायन्स आणि जस्ट डायल यांच्यात एप्रिलपासून चर्चा सुरू होती, परंतु अलीकडे त्यात वाढ झाली. शार्दुल अमरचंद मंगलदास अँड कंपनी, सिरिल अमरचंद मंगलदास आणि गोल्डमन सॅक्स यांना या करारासाठी सल्लागार म्हणून नेमण्यात आले.
पॅन-इंडिया नेटवर्कसह 25 वर्षांची माहिती शोध आणि सूची कंपनी
जस्ट डायल ही पॅन-इंडिया नेटवर्कसह 25 वर्षांची माहिती शोध आणि सूची कंपनी आहे. जर हा करार झाला तर रिलायन्स रिटेलला जस्ट डायलच्या व्यापारी डेटाबेसचा लाभ मिळेल. जस्ट डायलचा मोबाईल, अॅप्स, वेबसाइट आणि 8888888888 टेलिफोन हॉटलाईनवर तिमाही आधारावर सरासरी 15 कोटी युनिक व्हिझिटर्स आहेत. जस्ट डायल 1996 मध्ये फोन आधारित सेवा म्हणून सुरू केली गेली होती. त्यावेळी डिस्कवरीमध्ये हे मार्केट लीडर असायचे, परंतु नंतर प्रॅक्टो, अर्बन कंपनी, बुकमायशो, झोमाटो, पेटीएम आणि मेकमायट्रिप या कंपन्यांच्या आगमनाने त्याची क्रेझ कमी झाली.
संबंधित बातम्या
देशातील सर्वात मोठ्या सिगारेट कंपनीच्या बॉसच्या पगारात 47 टक्के वाढ, आता दररोज एवढे लाख मिळणार
Another great feat of Reliance; Just Dial’s 41% stake bought for Rs 3,497 crore
