ईपीएफओकडून 23.44 कोटी खात्यांवर व्याज जमा; ‘असे’ चेक करा आपले बॅलन्स
कर्मचारी भविष्य निर्वाह निधी संघटना (EPFO)ने 2020-21 या आर्थिक वर्षामध्ये तब्बल 23.44 कोटी खातेदारांच्या खात्यामध्ये 8.50 टक्के व्याजदराने व्याज जमा केले आहे. ईपीएफओच्या अधिकृत ट्विटर अकाऊंटवरून ही माहिती देण्यात आली आहे. या वर्षी ऑक्टोबर महिन्यामध्ये ईपीएफओकडून व्याजदराची घोषणा करण्यात आली होती.
नवी दिल्ली : कर्मचारी भविष्य निर्वाह निधी संघटना (EPFO)ने 2020-21 या आर्थिक वर्षामध्ये तब्बल 23.44 कोटी खातेदारांच्या खात्यामध्ये 8.50 टक्के व्याजदराने व्याज जमा केले आहे. ईपीएफओच्या अधिकृत ट्विटर अकाऊंटवरून ही माहिती देण्यात आली आहे. या वर्षी ऑक्टोबर महिन्यामध्ये ईपीएफओकडून व्याजदराची घोषणा करण्यात आली होती. त्यानुसार आता 8.50 टक्के व्याजदराने व्याज जमा केल्याची माहिती देण्यात आली आहे.
ईपीएफओच्या नियमांमध्ये बदल
कर्मचारी भविष्य निर्वाह निधी ही खासगी तसेच सरकारी कर्मचाऱ्यांसाठी कामगार आणि रोजगार मंत्रालयाकडून चालवण्यात येणारी एक योजना आहे. या योजनेंतर्गत दरवर्षी कर्मचाऱ्यांच्या जमा रकमेवर विशिष्ट व्याज देण्यात येते. दरम्यान काही महिन्यांपूर्वीच ईपीएफओने आपल्या काही नियमांमध्ये बदल केले होते. नव्या नियमानुसार आता यूएएन नंबरला जर तुमचा आधार नंबर लिंक असेल तर तुमच्या पीएफ खात्यामध्ये पैसे जामा होणार आहेत. ईपीएफओकडून यूएएनला आधार लिंक करण्यासाठी एक डिसेंबरपर्यंतची वेळ देण्यात आली होती, आता त्याची मुदत संपली आहे. अजूनही ज्या लोकांनी यूएएनला आधार लिंक केले नसेल तर त्यांनी करून घ्यावे, असे आवाहन कर्मचारी भविष्य निर्वाह निधी संघटनेकडून करण्यात आले आहे.
‘अशी’ मिळवा आपल्या पीएफ खात्यातील पैशांची माहिती
पीएफ खात्यावर किती पैसे आहेत, किती व्याज जमा झाले आहे, याची माहिती मिळवण्याची प्रक्रिया तशी थोडी किचकट असते. मात्र आता ईपीएफओने एसएमएस आणि मिसकॉलच्या माध्यमातून देखील ही सुविधा उपलब्ध करून दिली आहे. त्यामुळे आता ही प्रक्रिया आणखी सोपी झाली आहे. जर तुम्हाला एसएमएसच्या माध्यमातून तुमच्या खात्याची माहिती मिळवायची असेल तर मोबाईलच्या संदेश बॉक्समध्ये जाऊन EPFOHO असे टाईप करून त्यापुढे तुमचा यूएएन नंबर टाका आणि 738299899 या नंबरला एसएमएस सेंड करा, तुम्हाला तुमच्या पीएफ खात्याची माहिती मिळेल. किवा तुमच्या पीएफ खात्याशी तुमचा जो मोबाईल नंबर लिंक आहे, त्यावरून 011-22901406 या नंबरला मिसकॉल दिल्यानंतर देखील तुम्हाला सर्व माहिती मिळू शकते.
23.34 crore accounts have been credited with an interest of 8.50% for the FY 2020-21. @LabourMinistry @esichq @PIB_India @byadavbjp @Rameswar_Teli
— EPFO (@socialepfo) December 13, 2021
संबंधित बातम्या
एफडी ही फायद्याची, जाणून घ्या कोणत्या बँकेत मिळेल सर्वोत्तम परतावा
पोस्टाच्या ‘या’ योजनेत गुंतवा पैसे, दहा वर्षात मिळवा डबल
मद्यप्रेमींसाठी खुशखबर; नववर्ष, ख्रिसमसला मिळणार स्वस्त दारू
